بغیر این او سی مسجد کی تعمیر کی اجازت نہیں دی جائے گی، خلاف ورزی پر جرمانہ کیا جائے گا ،ڈی سی او گوجرانوالہ
پیر 8 اگست 2016 23:06
گوجرانوالہ۔8 اگست(اُردو پوائنٹ اخبارتازہ ترین - اے پی پی۔8 اگست ۔2016ء ) ڈی سی او محمد عامر جان نے کہا ہے کہ علماء اکرام اور مذہبی رہنماء مساجد اورعبادت گاہوں کو بھائی چارے اور امن کے پیغام کو عام کرنے کے لیے استعمال کریں ۔معاشرے سے فرقہ واریت اور بد امنی کو ختم کرنے کے لئے حکومت کا ساتھ دیں۔ان خیالات کا اظہار انہو ں نے مساجد کمیٹی کے اجلا س سے خطاب کر تے ہوئے کیا۔
اجلا س میں ایڈیشنل ڈسٹرکٹ کلکٹر طارق قریشی ، چیئر مین ضلعی امن کمیٹی قاری زاہدسلیم ، ڈی او کوارڈینیشن میڈیم رانی حفصہ کنول ، اسسٹنٹ کمشنر ز عتیق الرحمن ودیگر شریک تھے ۔ ڈی سی او نے ہدایت کی کہ تمام مسالک اور مذاہب کے علماء اکرام اور مذہبی راہنماء وطن عزیز کو امن کا گہوارہ بنانے کے لیے حکومتی اداروں سے مکمل تعاون کریں ۔(جاری ہے)
اجلاس میں مساجد ، مدارس اور دیگر عبادت گاہوں کے 26کیسز پیش کیے گئے جن میں سے 19کیسز کی منظوری دی گئی دیگر کی مختلف وجوہات کی بنا پر دوبارہ رپورٹ طلب کر لی ہے ۔
ڈی سی او نے کہا کہ بغیر این او سی مسجد کی تعمیر کی اجازت نہیں دی جائے گی خلاف ورزی پر جرمانہ عائد کیا جائے گا ۔ انہوں نے کہا کہ کسی بھی نئے کیس کی منظوری سے قبل پولیس اور حساس اداروں کی رپورٹ کو اہمیت دی جائے گی ، مساجد کی رجسٹریشن کے لیے دئیے گئے حکومتی ایس او پیز پر عملدرآمد کو یقینی بنایا جائے گا ۔ انہوں نے ڈی او کوارڈکو ہدایت کی کہ آئندہ اجلاس میں این او سی کے لیے اپلائی کرنے والوں کو کاغذات کے ہمراہ بلایا جائے ، موقع کی تصویر بھی لف کی جائے تا کہ موقع کی صورت حال دیکھی جا سکے۔ انہوں نے فوکل پر سن مساجد کمیٹی ڈی او کوارڈ کو ہدایت کی کہ آئندہ اجلاس سے قبل تمام کمیٹی ممبران کو اجلاس کا ایجنڈا ایک ہفتہ قبل دیا جائے ، غیر متعلقہ اشخاص کی شرکت کو روکا جائے اور اجلاس میں شرکت نہ کرنے والے ممبران اپنے نمائندہ کو مقرر کرنے کی اطلاع ڈی او کوارڈ آفس کو دیں ۔مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.