حالیہ بارشوں کے بعد دریاؤں میں تغیانی کی صورتحال کسی بڑی تباہ کاری کا سبب بن سکتی ہے، رضا ہارون
محکموں میں رابطوں کا فقدان اور ڈسٹرکٹ انتظامیہ کی لاپرواہی سیلاب اور بارش کی تباہ کاریوں میں مزیداضافہ کا سبب بن رہی ہے،سیکریٹری جنرل پی ایس پی
بدھ 17 اگست 2016 20:22
کراچی (اُردو پوائنٹ اخبارتازہ ترین - این این آئی۔17 اگست ۔2016ء) پاک سرزمین پارٹی کے سیکریٹری جنرل رضا ہارون نے پنجاب اور کے پی کے میں آنے والے حالیہ سیلاب سے ہونے والی تباہ کاریوں پر اپنی تشویش کا اظہار کرتے ہوئے کہاکہ اس وقت ملک میں ہونے والی حالیہ بارشوں کے بعد دریاؤں میں تغیانی کی صورتحال کسی بڑی تباہ کاری کا سبب بن سکتی ہے ہر سال دریاؤں میں آنے والے سیلابی ریلے ہزاروں ایکڑ پر کھڑی فصلوں اور سیکڑوں گاؤں اور دیہات کو تباہ وبربادکر دیتے ہیں او رخاص کرانسانی جانوں کا ضیاع ہونا ناقابل تلافی نقصان ہے ،یہ نقصان ہر سال پہلے سے زیادہ ہولناک اور تباہ کن ہوتے ہیں،مکانات زمیں بوس ہوجاتے ہیں، سڑکیں کھنڈر بن جاتی ہیں مویشیوں کی ہلاکتیں مالی نقصان کا سبب بن جاتی ہیں اور غریب عوام سڑکوں پہ آجاتے ہیں، اس مسئلہ کے حل کے لیے ارباب اختیار کو واضع حکمت عملی بنا کر فوری عملی اقدامات کرنے کی ضرورت ہے ،سیلاب کی پیشگی اطلاع دینے والے محکمے کے ساتھ رابطوں کا فقدان اور ڈسٹرکٹ کے ذمہ داران کی لاپرواہی سیلاب اور بارش کی تباہ کاریوں میں مزیداضافہ کا سبب بن رہی ہے، انھوں نے کہا کہ اس وقت جنوبی پنجاب ،خیبر پختون خواہ اور خصوصا میانوالی ، لیہ،جھنگ،ڈی جی خان،جام پور،اور راجن پور کے علاقوں میں سیلاب کا خطرہ سب سے زیادہ ہے ،ان علاقوں میں فوری اقدامات کی اشد ضرورت ہے اس کے بعد سیلاب کا رخ سندھ کے شہروں کی جانب ہو جاتا ہے اور یہاں کی صورتحال بھی کچھ اچھی نہیں ہے گھوٹکی ،خیرپور سے لیکر ٹھٹہ تک تمام علاقوں میں سیلابی پانی بہت نقصان پہنچا سکتا ہے خاص کر دریاؤں کے کنارے آباد علاقوں میں تو صورتحال انتہائی تشویشناک ہے ریسکیو کی سروسز کی حالت زار سب کے سامنے ہے، ہماری بد قسمتی یہ ہے اور ہمارے ارباب اختیارکی یہ پالیسی ہے جو مصیبت آنے کے بعد اس کے حل کے لیے میٹنگز اور مختلف کمیٹیاں بنا کرافراتفری کے عالم میں کام کرنے کی ناکام کوششیں کرتے ہیں۔
(جاری ہے)
مزید قومی خبریں
-
پنجاب حکومت کی جانب سے گندم کی امپورٹ کی نشاندہی تاخیر سے کی گئی
-
پشاور پولیس کی کارروائی، بین الاضلاعی منشیات سمگلنگ میں ملوث دو خواتین ملزمان گرفتار
-
حیرت ہے پنجاب حکومت کے پاس گندم خریدنے کیلئے بھی پیسے نہیں، مشیر خزانہ خیبرپختونخوا مزمل اسلم
-
وزیراعلی پنجاب مریم نواز کی جانب سے پشاور کے سیلاب و بارش متاثرین کے لیے تحفہ
-
کراچی،50لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
-
وزیر قانون نے چیف جسٹس کی مدت میں اضافے کے حوالے سے اشارہ دیا ہے ‘ اسد قیصر
-
عازمین حج کی حجاز مقدس روانگی کے سلسلے میں اسلام آباد انٹرنیشنل ایئرپورٹ پر روڈ ٹو مکہ منصوبے کے تحت تیاریاں مکمل
-
این اے 148ضمنی الیکشن،مسلم لیگ (ن) کا پیپلز پارٹی کے امیدوار کی حمایت کا اعلان
-
آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا، محکمہ موسمیات
-
وزیراعظم کو گندم درآمد تحقیقات کی ابتدائی تفصیلات سے آگاہ کر دیا گیا
-
عرب ممالک میں عیدالاضحی 16جون کو ہونے کا امکان
-
رواں سال غیر معمولی مون سون بارشیں ہونے کی پیشگوئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.