اسلامک فنانس انڈسٹری کی ترقی کی رفتار اطمینان بخش ہے ،عبدالرؤف عالم
ہفتہ 3 ستمبر 2016 17:40
اسلام آباد ۔ 03 ستمبر (اُردو پوائنٹ اخبارتازہ ترین - اے پی پی۔3 ستمبر ۔2016ء) ایف پی سی سی آئی کے صدر عبدالرؤف عالم نے کہا ہے کہ اسلامک فنانس انڈسٹری اسلامی ممالک سے غربت ختم کرنے میں بنیادی کردار ادا کر سکتی ہے جسکے لئے مائیکرو فنانس سیکٹر کو توجہ دینی ہو گی۔ اسلامک فنانس انڈسٹری کی ترقی کی رفتار حیران کن ہے، عالمی سطح پر دو ہزار سے زیادہ ادارے اسلامی فنانشل سروسز فراہم کر رہے ہیں اور اس شعبہ کا حجم 2.4 کھرب ڈالر سے زیادہ ہے ۔
اگلے پانچ سال میں اسلامک فنانس کا حجم 3.5 سے 4.0کھرب ڈالر تک پہنچنے کا اندازہ ہے۔ عبدالرؤف عالم نے یہاں جاری ہونے والے ایک بیان میں کہا کہ سعودی عرب، ایران اور ملیشیاء اسلامک فنانس میں سب سے آگے ہیں اور اس شعبہ کے 65 فیصد اثاثے انکی ملکیت ہیں جبکہ ملیشیاء سکوک مارکیٹ میں دنیا میں سرفہرست ہے۔(جاری ہے)
پاکستان میں بھی یہ شعبہ تیزی سے ترقی کر رہا ہے۔
2002 میں پاکستان میں ایک اسلامی بینک تھا جنکی تعداد اب بائیس ہے اور یہ بینک کنزیومر مارکیٹ میں تقریباًپچاس فیصد حصہ حاصل کر چکے ہیں جبکہ اسلامی پراڈکٹس کی فروخت میں مروجہ بینکوں کی دلچسپی بھی بڑھ رہی ہے۔ پاکستان میں اسلامی بینک دیگر بینکوں کے مقابلہ میں دو سے ڈھائی گنا رفتار سے ترقی کر رہے ہیں اور انکے ڈیپازٹ1.74 کھرب روپے سے تجاوز کر گئے ہیں جس کا کریڈٹ سٹیٹ بینک کی کوششوں کو بھی جاتا ہے۔ انھوں نے کہا کہ دنیا کی چھبیس فیصد آبادی مسلمانوں پر مشتمل ہے مگر دنیا کے چھیالیس فیصد غریب اسلامی ممالک میں رہتے ہیں جنھیں اسلامک مائیکروفنانس کی مدد سے غربت سے نکالا جا سکتا ہے۔ اسلامک فنانس میں سرمایہ کاروں کا سب سے زیادہ جھکاؤ بینکنگ کی طرف ہے جس کا حجم اس شعبہ کا اسی فیصد ہے جس کے بعد انشورنس کو ترجیح دی جاتی ہے جبکہ مائیکرو فنانس کی طرف توجہ کم ہے جو افسوسناک ہے۔ انھوں نے کہا کہ سرمایہ کاری کے مواقع کی کمی اسلامی بینکاری کے فروغ میں رکاوٹ ہے جسے ترجیحی بنیادوں پرحل کرنے سے یہ شعبہ فقید المثال ترقی کر سکتا ہے۔ حکومت اسلامی مالیاتی نظام کی ترقی میں سنجیدہ ہے جو سود سے پاک ، بین الاقوامی مارکیٹ کے عدم استحکام سے محفوظ اور تمام معاشی مشکلات کا حل ہے۔مزید اہم خبریں
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
اگر 9 مئی والوں سے مذاکرات ہوئے تو پھر آئندبڑا سانحہ ہوسکتا ہے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.