امیگریشن سینٹر میں بچوں کی حراست کا ذمے دار آسٹریلیا ہے، اقوام متحدہ

جمعہ 18 نومبر 2016 21:24

نیویارک(اُردو پوائنٹ اخبارتازہ ترین - آن لائن۔ 18 نومبر2016ء) اقوام متحدہ کے ایک تفتیش کار نے واضح کیا ہے کہ آسٹریلیا کی سرزمین سے باہر سمندری جزائر میں امیگریشن حراستی مرکز میں پابند بچوں کی حالتِ زار کی ذمہ داری آسٹریلیا پر عائد ہوتی ہے۔ اقوام متحدہ کے اس تفتیش کار نے مہاجرین کے مراکز میں انسانی حقوق کی خلاف ورزیوں کا جائزہ لیا ہے۔

(جاری ہے)

خصوصی تفتیش کار فرانسوا کریپو کی رپورٹ کو آسٹریلوی امیگریشن حراستی مراکز کے بارے میں اب تک کی سب سے سخت رپورٹ قرار دیا گیا ہے۔

اس رپورٹ میں وہاں زیر حراست بچوں کے حوالے سے تفتیش کار نے کہا کہ ان کے چہروں پر خوف، ڈر، ہیجانی کیفیت اور پڑمردگی نمایاں ہیں۔ کریپو نے اپنی رپورٹ میں بچوں کے لیے پیدا اس صورت حال کو ناقابل قبول قرار دیا ہے۔۔

Facebook Twitter Google + Share on Whatsapp

امیگریشن سینٹر میں بچوں کی حراست کا ذمے دار آسٹریلیا ہے، اقوام متحدہ

متعلقہ عنوان :

مزید بین الاقوامی خبریں