اوباما نے دور اقتدارکا آخری کرسمس ٹری روشن کردیا

انیس فٹ لمبے اس کرسمس ٹری کوبرقی قمقموں سے مزین کیا گیا تھا جسے صدر اوباما ،ان کی اہلیہ اور بیٹی نے مل کر روشن کیا

جمعہ 2 دسمبر 2016 20:29

اوباما نے دور اقتدارکا آخری کرسمس ٹری روشن کردیا

واشنگٹن(اُردو پوائنٹ اخبارتازہ ترین - آن لائن۔ 02 دسمبر2016ء) دنیا بھر میں کرسمس کی تیاریاں عروج پر پہنچ گئی ہیں،اسی سلسلے میں وائٹ ہائوس میں بھی کرسمس ٹری روشن کرنے کی 94ویں سالانہ تقریب کا انعقاد کیا گیا،جس میں صدر اوباما نے اپنے اہل خانہ سمیت شرکت کی اور اپنے دور اقتدا ر کا ا آخری کرسمس ٹری ر وشن کردیا۔

(جاری ہے)

انیس فٹ لمبے اس کرسمس ٹری کوبرقی قمقموں سے مزین کیا گیا تھا جسے صدر اوباما ،ان کی اہلیہ اور بیٹی نے مل کر روشن کیا اور تقریب کو چار چاند لگادئیے۔

امریکی ریاست وسکانسن سے اس 19فٹ لمبے کر سمس ٹری کو خصوصی طو ر پر کاٹ کر گھوڑاگاڑی کے ذریعے وائٹ ہائوس پہنچا یا گیا تھا جس کا استقبال خاتونِ اول مشعیل اوباما نے اپنے دو بھتیجوں آسٹن اور آرون کے ہمراہ کیا اور ان کے ساتھ ان کے پالتو کتے بو اور سنی بھی مو جود تھے۔۔