شمالی اور وسطی چین کے بعض علاقے منگل کو پھر سے کہر آلود دھند کی لپیٹ میں آجائیں گے ، وزارت تحفظ ماحولیات کا انتباہ

پیر 13 فروری 2017 15:20

بیجنگ(اُردو پوائنٹ اخبارتازہ ترین - آئی این پی۔ 13 فروری2017ء) وزارت تحفظ ماحولیات نے پیر کو خبردار کیا ہے کہ منگل کو شمالی اور وسطی چین کے بعض حصوں میں کہر آلود دھند چھائی رہے گی ۔

(جاری ہے)

وزارت کے مطابق ہیبی ، شان شی ، شنڈونگ اور ہینان صوبوں کے علاوہ بیجنگ اور تیانجن میں کہر آلود دھند دوبارہ چھا جائے گی اور توقع ہے کہ سرد لہر کے آنے کے بعد یہ جمعرات کو چھٹ جائے گی تاہم وزارت نے کہا کہ فضائی آلودگی ہفتے کو دوبارہ عود سکتی ہے تاہم امید ہے کہ یہ حالات بہتر ہونے کے پیش نظر آئندہ منگل کو دوبارہ چھٹ جائے گی ۔

آلودگی کا مقابلہ کرنے کیلئے حکومتی کوششوں کے باوجود موسم سرما میں شمالی چین میں کہر آلود دھند کے چھانے میں اضافہ معمول بن گیا ہے ۔ موسم سرما میں سرد موسم اور کوئلہ جلانے کی وجہ سے صورتحال گھمبیرہوجاتی ہے ۔

Facebook Twitter Google + Share on Whatsapp

شمالی اور وسطی چین کے بعض علاقے منگل کو پھر سے کہر آلود دھند کی لپیٹ میں آجائیں گے ، وزارت تحفظ ماحولیات کا انتباہ

متعلقہ عنوان :

مزید بین الاقوامی خبریں