پانامہ کیس کی جے آئی ٹی سپریم کورٹ کی چھتری تلے تحقیقات کریگی،طارق فضل چوہدری

جن لوگوں کوجے آئی ٹی پراعتبارنہیں ان کوسپریم کورٹ پربھی اعتبارنہیں،انٹرویو

جمعرات 11 مئی 2017 23:53

پانامہ کیس کی جے آئی ٹی سپریم کورٹ کی چھتری تلے تحقیقات کریگی،طارق ..

ْاسلام آباد (اُردو پوائنٹ اخبارتازہ ترین - آن لائن۔ 11 مئی2017ء) وزیرمملکت کیڈڈاکٹرطارق فضل چوہدری نے کہاہے کہ پانامہ کیس کی جے آئی ٹی سپریم کورٹ کی چھتری تلے تحقیقات کریگی،جن لوگوں کوجے آئی ٹی پراعتبارنہیں ان کوسپریم کورٹ پربھی اعتبارنہیں۔جمعرات کے روزنجی ٹی وی سے گفتگوکرتے ہوئے وزیرمملکت کیڈڈاکٹرطارق فضل چوہدری نے کہاکہ ڈان لیکس اورپانامہ لیکس کوآپس میں ملایانہیں جاسکتا۔

(جاری ہے)

ڈان لیکس رپورٹ میں جن لوگوں نے تحقیقات کیں وہ بھی وزیراعظم کے ماتحت تھے ،لیکن شفاف تحقیقات ہوئیں ،پانامہ جے آئی ٹی پروزیراعظم کے اثراندازہونے کی باتوں میں حقیقت نہیں۔انہوںنے کہاکہ پانامہ جے آئی ٹی سپریم کورٹ نے خودبنائی ہے ،سپریم کورٹ کی چھتری تلے پانامہ جے آئی ٹی کام کریگی جولوگ کہہ رہے ہیں کہ جے آئی ٹی شفاف تحقیقات نہیں کرپائے گی وہ لوگ سپریم کورٹ پراعتبارنہیں کررہے ۔انہوںنے کہاکہ جے آئی ٹی جوبھی دستاویزمانگے گی دی جائے گی ،پی ٹی آئی والے ڈان لیکس اورپانامہ جے آئی ٹی پرایک اورڈراماکرناچاہتے ہیں۔(یاسرعباسی)