حب، شدید بارشوں سے 8فراد جاں بحق ، چار لاپتہ ہوگئے ،تالاب ٹوٹنے سے شہر میں پینے کے پانی کی قلت

جمعہ 30 جون 2017 12:42

حب (اُردو پوائنٹ اخبارتازہ ترین - آئی این پی۔ 30 جون2017ء) حب میں شدید بارشوں کے باعث ندی نالوں میں طغیانی سے 8فراد جاں بحق اور چار لاپتہ ہوگئے ۔

(جاری ہے)

تفصیلات کے مطابق شدید بارش کے باعث حب میں دار وندی میں طغیانی سے 20 گھر سیلابی ریلے کی زد میں آگئے جس کے نتیجے میں پتھر کالونی کے 12افراد سیلابی ریلے میں بہہ گئے جن میں سے 8افراد کی لاشیں نکال لی گئیں جبکہ 4افراد کی تلاش جاری ہے۔

جاں بحق ہونے والوں میں خواتین اور بچے بھی شامل ہیں ۔ ضلعی انتظامیہ کے مطابق متاثرہ علاقے میں امدادی سرگرمیاں جاری ہیں جبکہ لاپتہ ہونے والے چار افراد کو تلاش کرنے کا عمل جاری ہیں۔ دوسری طرف محکمہ پبلک ہیلتھ کا تالاب ٹوٹنے سے شہر میں پینے کے پانی کی قلت ہوگئی ، ندی نالوں میں طغیانی کے باعث درگاہ شاہ پہنچنے والے زائرین محصور ہوگئے۔