پی ٹی آئی منافقانہ طرز عمل چھوڑ دے،سعیدغنی

کے پی میں عمران خان کرپشن کرنے والوں کو چھتری فراہم کرہے ہیں،بیان

منگل 15 اگست 2017 22:31

پی ٹی آئی منافقانہ طرز عمل چھوڑ دے،سعیدغنی

اسلام آباد(اُردو پوائنٹ اخبارتازہ ترین - این این آئی۔ 15 اگست2017ء) پاکستان پیپلزپارٹی کے رہنما سعید غنی نے کہا ہے کہ پی ٹی آئی منافقانہ طرز عمل چھوڑ دے۔ ایک طرف وفاق میں نیب پر عدم اعتماد کا اظہار کر رہی ہے، دوسری طرف کے پی میں نیب کے پر کاٹ دئیے ہیں مگر سندھ میں نیب کی وکالت کر رہی ہے۔

(جاری ہے)

ایک بیان میں سعید غنی نے کہا کہ کے پی میں کوئی اور نہیں پی ٹی آئی کے اراکین اسمبلی اپنی قیادت پر کرپشن کے الزامات لگا رہے ہیں اور اعلانیہ کہتے ہیں کہ کے پی میں عمران خان کرپشن کرنے والوں کو چھتری فراہم کرہے ہیں۔

سعید غنی نے کہا کہ اس طرح جماعت اسلامی بھی کرپشن میں حصہ دار ہے۔ انہوں نے کہا کہ اٹھارہویں ترمیم کے بعد صوبے خود مختار ہیں۔ سندھ کے عوام کی منتخب اسمبلی نے احتساب بل منظور کر لیا ہے۔ یہ ایسا قانون ہے جس میں کوئی کرپٹ شخص بچ نہیں پائے گا۔ نہ ہی نیب کی طرح کسی سے سودے بازی کی جائے گی۔ انہوں نے کہا کہ پی ٹی آئی اور جماعت اسلامی کا اتحاد ہی کرپشن پر مبنی ہے۔