نواز شریف کوسعودی عرب میں این آر او کرنے کے بجائے عوام سے این آر او کرنا چاہئے،حافظ حسین احمد
پیر 1 جنوری 2018 15:15
(جاری ہے)
حافظ حسین احمد نے مزید کہا کہ پاکستان ایک خود مختیار ملک ہے اس کے تمام فیصلے پارلیمنٹ میں ہونے چاہئیں، پاکستان پہلے ہی امریکی اتحاد کی وجہ سے دلدل میں پھنسا ہوا ہے اب اس کو ہر فیصلہ سوچ سمجھ کر کرنا چاہئے، انہوں نے کہا کہ سعودی عرب ہمارا برادر اسلامی ملک ہے مگر ہمیں اپنے سیاسی فیصلے اپنے ملک میں کرنا چائیں، انہوں نے کہا کہ نواز شریف کو سعودی عرب میں کوئی این آر او کرنے کے بجائے عوام سے این آر او کرنا چاہئے تھا پارلیمنٹ سپریم ادارہ ہے اس کے تقدس کو خاطر میں لا کر فیصلے کئے جائیں اپنے میلے کپڑے باہر دھونے کے بجائے گھر میں دھونے چاہئے ،انہوں نے کہا کہ نواز شریف تحریک عدل کا اعلان کرکے سعودی عرب چلے گئے ہیں جہاں خود شہزادوں کا احتساب ہورہا ہے ، انہوں نے کہا کہ اگر احتساب ہماری پارلیمنٹ کرتی تو معاملات پارلیمنٹ میں ہی طے ہوسکتے تھے مگر افسوس کے ہم پارلیمنٹ کو اہمیت نہیں دے رہے جس سے ملک میں سیاسی عدم استحکام پیدا ہوا ،انہوں نے کہا کہ اداروں کی اہمیت اور تعین ہونا چاہئے اداروں کو اپنی حدود میں رہ کر کام کرنا چاہئے ادارے آئین میں رہ کر کام کریں گے تو عدم استحکام پیدا نہیں ہوگا ، حافظ حسین احمد کا کہنا تھا کہ ماضی میںبھی ملک سے باہر ابو ظہبی میں بینظیر بھٹو اور پرویز کے درمیان این آر او ہوا ،نواز شریف کی گرفتاری کے بعد رہائی بھی ایک این آر او کے ذریعے ہوئی اس سے اداروں کا تقدس پائمال ہوتا ہے نواز شریف اور شہباز شریف جس حوالے سے سعودی عرب گئے ہیں ان کو وہاں جانے سے پہلے قوم کو اعتماد میں لینا چاہئے تھا ،ان کا کہنا تھا کہ ملک میں عدم استحکام کی صورتحال کی وجہ سی2018ء میں انتخابات ہوتے نظر نہیں آرہے، ایک سوال کے جواب میں انہوں نے کہا کہ سانحہ ماڈل ٹاؤن کے شہداء کے ساتھ انصاف ہونا چاہئے ظاہر ہے انہیں کسی نے تو شہید کیا ہے قاتلوں کو انصاف کے کٹہرے میں لایا جائے اور مجرموں کو انجام تک پہنچایا جائے انہوں نے کہا کہ طاہر القادری اگر سنجیدگی اور مستقل مزاجی کا مظاہرہ کرتے تو آج سانحہ ماڈل ٹاؤن کا کیس انجام تک پہنچ چکا ہوتا ،انہوں نے کہا کہ ماڈل ٹاؤن سانحہ میں کسی کے خلاف کارروائی نہیں ہوئی اس لیے سانحہ ماڈل ٹاؤن کی ذمہ داری شہباز شریف اور رانا ثناء اللہ پر عائد ہوتی ہے وہ خود کو قانون کے حوالے کریں اور شفاف انکوائری کے بعد جو بھی ملوث ہو اس کو سزا دی جائے، انہوں نے کہا کہ طاہر القادری کی آل پارٹیز کانفرنس میں فاروق ستار کے اٹھ جانے کی وجہ پی ایس پی کی موجودگی تھی کیوں کہ ایک میان میں دو تلواریں نہیں ہوتی ۔
متعلقہ عنوان :
مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.