وزیراعظم کے مشیر خزانہ مفتاح اسماعیل سے آئی ایم ایف کے ریذیڈنٹ نمائندہ مسٹر ٹوخر این مرزوف کی ملاقات

منگل 23 جنوری 2018 19:07

اسلام آباد ۔ (اُردو پوائنٹ اخبارتازہ ترین - اے پی پی۔ 23 جنوری2018ء) وزیراعظم کے مشیر خزانہ مفتاح اسماعیل سے آئی ایم ایف کے ریذیڈنٹ نمائندہ مسٹر ٹوخر این مرزوف نے منگل کو ملاقات کی۔ ملاقات کے دوران میکرو اکنامکس صورتحال سمیت مستقبل کے معاشی اہداف سے متعلق امور پر تبادلہ خیال کیا گیا۔ مشیر خزانہ نے کہا کہ موجودہ حکومت ملک میں میکرو اکنامک استحکام اور ملک کو ترقی کے راستے پر گامزن کرنے کیلئے مؤثر و منظم اقدامات اٹھا رہی ہے۔

(جاری ہے)

انہوں نے کہا کہ موجودہ اعداد و شمار سے اندازہ ہوتا ہے کہ معاشی سرگرمیاں حوصلہ افزاء ہیں۔ انہوں نے کہا کہ حکومتی اقدامات کے باعث برآمدات میں اضافہ ہوا ہے جس سے تجارتی خسارہ میں کمی آئے گی۔ انہوں نے کہا کہ حکومت نے گذشتہ چار سال کے دوران معیشت کی ترقی و بہتری کیلئے متعدد اقدامات کئے ہیں جن کے مثبت نتائج سامنے آئے ہیں۔ انہوں نے اس امید اور اعتماد کا اظہار کیا کہ مستقبل میں پاکستان کیلئے بہتر مواقع پیدا ہوں گے۔

Facebook Twitter Google + Share on Whatsapp

وزیراعظم کے مشیر خزانہ مفتاح اسماعیل سے آئی ایم ایف کے ریذیڈنٹ نمائندہ مسٹر ٹوخر این مرزوف کی ملاقات

متعلقہ عنوان :

مزید قومی خبریں