جو کا آ ٹا انسان کو چست و توانا رکھنے میں انتہائی معاون ہے، ماہرین طب

جمعہ 9 فروری 2018 17:03

فیصل آباد۔9 فروری(اُردو پوائنٹ اخبارتازہ ترین - اے پی پی۔ 09 فروری2018ء) پنجاب طبی کونسل کے ماہرین طب نے انکشاف کیا ہے کہ جو کا آٹا ، روٹی ، دلیہ ، پانی ، ستو و دیگر مصنوعات انسانی صحت کیلئے انتہائی مفید ، گندم کے آٹے کا متبادل ، بہترین فوڈ سپلیمنٹ اور 100سے زائد خطرناک امراض سے بچائو کا ذریعہ بھی ہیں جس میں شامل بیٹا گلو کان اور حل پذیر ریشے کے علاوہ 22فیٹی ایسڈز ، 18امائنو ایسڈز اور تمام 8کے 8 ضروری امائنو ایسڈز بھی شامل ہیں جو تپدق ، ملیریا ، ہیضہ ، سرطان ، یرقان ، نمونیہ سمیت 100کے قریب خطر ناک بیماریوں کا علاج ، تدارک اور قد بڑھانے کیلئے انتہائی اکثیر کا درجہ رکھتے ہیں۔

ماہرین طب نے بتایا کہ غذائی اہمیت کے لحاظ سے جو کے آٹے کو گندم کے آٹے کے متبادل کے طور پر استعمال کیا جا سکتا ہے۔

(جاری ہے)

انہوں نے کہا کہ خوردنی اجناس میں جو کے علاوہ مکئی کو بھی خوراک کے اہم ترین جزو کی حیثیت حاصل ہے۔ انہوںنے کہا کہ اگر بنی نو ع انسان کو جو کی حقیقی افادیت کا علم ہو تو وہ تمام غذائی اشیاء ترک کر کے 8 ہزار سالوں سے انبیاء ، متقیوں ، پرہیز گاروں کی پسندیدہ غذا جو کو اپنا پسندیدہ فوڈ سپلیمنٹ بنا لیں۔ انہوںنے بتا یا کہ جو کے اجزاء میں شامل پانی ، نائٹروجنی مرکبات ، گوند، چینی اور چربی کی معمولی اعلیٰ مقدار کے علاوہ اس میں شامل سٹارچ انسان کو کولیسٹرول سے بچانے ، جسم کو فربہ ہونے سے روکنے اور چست و سمارٹ رکھنے میں بھی انتہائی معاون ہے۔

Facebook Twitter Google + Share on Whatsapp

جو کا آ ٹا انسان کو چست و توانا رکھنے میں انتہائی معاون ہے، ماہرین طب

مزید قومی خبریں