روزانہ 30 منٹ واک سے موٹاپے سے چھٹکارا ممکن ہے، ماہر ذیابیطس

ہفتہ 3 مارچ 2018 18:14

کراچی ۔ (اُردو پوائنٹ اخبارتازہ ترین - اے پی پی۔ 03 مارچ2018ء) ماہر امراض ذیابیطس پروفیسر محمد زمان شیخ کے مطابق روزانہ 30 منٹ واک سے موٹاپے سے چھٹکارا ممکن ہے۔انہوں نے بتایا کہ پاکستان میں 40فیصد افراد موٹاپے کا شکار ہیں،موٹاپاکئی بیماریوں کو جنم دیتا ہے جن میں ذیابطیس، دل کے امراض، ہائی بلڈ پریشر، جوڑوں کے امراض، فالج، بانجھ پن،کولیسٹرول، جگرا ور آنتوں کے امرض، سانس لینے میں دشواری اور کئی اقسام کے کینسر بالخصوص آنتوں اور بریسٹ کا کینسرشامل ہیں۔

(جاری ہے)

پروفیسر زمان شیخ نے کہاکہ موٹاپے کا شکار لوگوں کی نہ صرف جسمانی سرگرمیاں محدود ہو جاتی ہیں بلکہ وہ کم عرصہ تک زندہ رہ پاتے ہیں۔انہوں نے یہ بھی کہا کہ موٹاپے سے بچنے کے لیے تمباکو نوشی سے پرہیز کیا جائے، میٹھا، مٹھائی، تیل، برگر، فاسٹ فوڈ، مرغن غذائیں، کولڈ ڈرنکس اور چکنی چیزوں سمیت ایسی غذاوں سے پرہیز کیا جائے جن میں کیلوریز زیادہ ہوتی ہیں،پھلوں ،مچھلی ،خشک میوہ جات کا استعمال کیاجائے جبکہ روزانہ صبح کم ازکم 30منٹ کی واک کی جائے ۔

Facebook Twitter Google + Share on Whatsapp

روزانہ 30 منٹ واک سے موٹاپے سے چھٹکارا ممکن ہے، ماہر ذیابیطس

مزید قومی خبریں