وزیرمملکت طلال چوہدری پر توہین عدالت کی فرد جرم عائد نہ ہوسکی ،ْ

کل فردجرم عائد کئے جانے کا امکان چارج فریم کرنے سے پہلے انہیں سن لیا جائے ،ْوزیر مملکت طلال چوہدری کی استدعا آپ حوالہ دے دیجیے گا ،ْہم نے آپ پر چارج فریم کرنا ہے ،ْکیس میں پہلے ہی بہت وقت گزر چکا ہے، مؤخر نہیں کرنا چاہتے ،ْ جسٹس اعجاز افضل میں جمہوری،سیاسی ورکر، قانون کا گریجویٹ اور منتخب عوامی نمائندہ ہوں تو ایسا کر ہی نہیں سکتا ،ْ طلال چوہدری کی میڈیا سے بات چیت

بدھ مارچ 14:02

وزیرمملکت طلال چوہدری پر توہین عدالت کی فرد جرم عائد نہ ہوسکی ،ْ
اسلام آباد (اُردو پوائنٹ اخبارتازہ ترین۔ 14 مارچ2018ء) عدلیہ مخالف بیان بازی پر وزیر مملکت طلال چوہدری پر بدھ کو توہین عدالت کی فرد جرم عائد نہ ہوسکی اور سماعت کل جمعرات تک کیلئے ملتوی کردی گئی۔ پیر کو چیف جسٹس آف پاکستان جسٹس میاں ثاقب نثار کی سربراہی میں 3 رکنی بینچ نے توہین عدالت کی سماعت کی۔دوران سماعت وزیر مملکت طلال چوہدری نے عدالت سے استدعا کی کہ چارج فریم کرنے سے پہلے انہیں سن لیا جائے، سپریم کورٹ کے بہت سے ایسے فیصلے موجود ہیں جس میں عدالت نے تحمل کا مظاہرہ کیا جن کا حوالہ دینا ہے۔

جسٹس اعجاز افضل نے ریمارکس دیے کہ آپ حوالہ دے دیجیے گا لیکن بعد میں ،ْہم نے آپ پر چارج فریم کرنا ہے ،ْکیس میں پہلے ہی بہت وقت گزر چکا ہے، مؤخر نہیں کرنا چاہتے۔

(جاری ہے)

طلال چوہدری نے کہا کہ اس کیس میں انسانی حقوق کا مسئلہ نہیں آپ کی شان میں گستاخی کا معاملہ ہے جس پر جسٹس مقبول باقر نے کہا کہ یہ کسی فرد کی شان کا معاملہ نہیں ادارے کا معاملہ ہے ،ْہر گزرتے دن کے ساتھ آپ کا کیس خراب ہو رہا ہے۔

طلال چوہدری کے وکیل نے عدالت سے استدعا کی کہ انہیں ساتھی وکیل کے والد کے جنازے میں جانا ہے اس لئے سماعت (آج) جمعرات تک کیلئے ملتوی کی جائے۔عدالت نے چارج شیٹ طلال چوہدری کے وکیل کے سپرد کرتے ہوئے سماعت کل جمعرات تک کے لئے ملتوی کردی۔ بعدازاں میڈیا سے بات کرتے ہوئے طلال چوہدری نے کہا کہ میں جمہوری،سیاسی ورکر، قانون کا گریجویٹ اور منتخب عوامی نمائندہ ہوں تو ایسا کر ہی نہیں سکتا۔

وزیر مملکت نے کہا کہ ہر چیز ریکارڈ پر ہے ،ْ حقائق سامنے آئیں گے ،ْہم نے اداروں کی تکریم کی بات کی ہے ،ْ عوام کے ووٹ اور پارلیمنٹ کی عزت کیلئے جدوجہد کررہے ہیں۔۔طلال چوہدری نے کہا کہ پارلیمنٹ کی تکریم اور عوام کے ووٹ کی عزت کی باتیں ضرور کی ہیں ،ْ اداروں کی توہین کرنا ہمارا مطمع نظر نہیں رہا ،ْفیصلوں پر تحفظ تھا اور آج بھی ہے، ہم نے قانونی لڑائی لڑی ہے اور آئندہ بھی لڑتے رہیں گے۔یاد رہے کہ گزشتہ روز سپریم کورٹ کے خصوصی بینچ نے وفاقی وزیر نجکاری دانیال عزیز پر توہین عدالت کی فرد جرم عائد کی تھی۔

متعلقہ عنوان :