صابن کی آڑ میں چھالیہ کلیئر کرانے کی کوشش ناکام، کسٹمز اپریزمنٹ ایسٹ نے کھیپ ضبط کرکے مقدمہ درج کر لیا

ہفتہ 31 مارچ 2018 18:49

کراچی ۔ (اُردو پوائنٹ اخبارتازہ ترین - اے پی پی۔ 31 مارچ2018ء) پاکستان کسٹمز نے صابن کی آڑ میں چھالیہ کی کلیئرنس کی کوشش کو ناکام بنادیا ہے۔ اس ضمن میںکلکٹرکسٹمزاپریزمنٹ ایسٹ سعید اکرم نے بتایا کہ پاکستان کسٹمز اپریزمنٹ ایسٹ نے پاکستان انٹرنیشنل کنٹینرٹرمینل پر پہنچنے والے 5 کنٹینرز کی کسٹمز ایگزامنیشن کی تواس بات کا انکشاف ہوا کہ 2 کنٹینرز میں چھالیہ کی ایک بڑی مقدار موجود ہے۔

(جاری ہے)

سعید اکرم نے بتایا کہ مذکورہ 5 کنٹینرز پر مشتمل کھیپ درآمدکرنے والی کمپنی میسرز علی باغ انٹرپرائزز نے محکمہ کسٹمز میں داخل کردہ گڈز ڈیکلریشن نمبر KAPE-HC-170594 میں آئرن ڈرمز میں سیل شدہ سوپ اسٹاک ظاہر کیا تھا لیکن کسٹمز حکام کی ایگزامنیشن میں 90 فیصد ڈرموں میں صابن کے ذخائر کے برعکس چھالیہ برآمد ہوئی۔ انہوں نے بتایا کہ مذکورہ کنسائمنٹس جبل علی بندرگاہ سے لوڈ کیا گیا تھا۔کسٹمز حکام نے مذکورہ کنسائمنٹس کو ضبط کرکے مقدمہ درج کرلیا ہے اور اس ضمن میں تحقیقات کے دائرہ کارکو توسیع دیدی ہے۔

Facebook Twitter Google + Share on Whatsapp

صابن کی آڑ میں چھالیہ کلیئر کرانے کی کوشش ناکام، کسٹمز اپریزمنٹ ایسٹ نے کھیپ ضبط کرکے مقدمہ درج کر لیا

مزید قومی خبریں