پی آئی اے پیکٹ پر غلط تاریخ کا اندراج کرنے کی ذمہ دار چینی کمپنی کو سخت سزا دے دی گئی

ہفتہ 7 اپریل 2018 21:38

کراچی (اُردو پوائنٹ اخبارتازہ ترین - این این آئی۔ 07 اپریل2018ء) ترجمان پی آئی اے نے سوشل میڈیا میں گردش کرنے والے چینی کے پیکٹ پر غلط تاریخ کے اندارج کے بارے میں سخت ایکشن لیتے ہوئے چینی فراہم کرنے والی کمپنی کو بلیک لسٹ کرنے اور قانونی کاروائی کا نوٹس بجھوادیا ہے۔ ترجمان نے کہا کہ پی آئی اے اپنے فلائٹ کچن میں مسافروں کو فراہم کی جانے والی تمام سہولیات پر حفظان صحت کے اصولوںکے مطابق عمل کرتی ہے۔

(جاری ہے)

پی آئی اے کے صدر اور چیف ایگزیکٹو آفیسر مشرف رسول سیان نے واقعہ کا سختی سے نوٹس لیا ہے ۔ سٹاک میں موجود چینی کے پیکٹ مکمل چیکنگ کے بعد سپلائر کو واپس کر دیئے گئے ہیں جبکہ فلائٹ کچن میں موجود دوسرے غذائی مواد کی چیکنگ بھی شروع کر دی گئی ہے ۔ پی آئی اے چیف ایگزیکٹو نے اس سلسلے میں انکوائری کا حکم دیا ہے اور اگر اس میں پی آئی اے کا کوئی ملازم ملوث پایا گیا تو اس کے خلاف ضروری قانونی کاروائی بھی کی جائے گی۔

Facebook Twitter Google + Share on Whatsapp

پی آئی اے پیکٹ پر غلط تاریخ کا اندراج کرنے کی ذمہ دار چینی کمپنی کو سخت سزا دے دی گئی

متعلقہ عنوان :

مزید قومی خبریں