جرمن آسٹرین سرحد پر بارڈر کنٹرول جاری رہے گا

ہفتہ 14 اپریل 2018 09:40

برلن ۔ (اُردو پوائنٹ اخبارتازہ ترین - اے پی پی۔ 14 اپریل2018ء) وفاقی جرمن حکومت کا کہنا ہے کہ ملکی سکیورٹی یقینی بنانے اور مزید مہاجرین کی آمد روکنے کے لیے جرمنی اور آسٹریا کے مابین سرحد پر بارڈر کنٹرول میں مزید 6ماہ کی توسیع کر دی گئی ہے۔جرمن حکومت نے بارڈر کنٹرول میں مزید 6 ماہ توسیع کا فیصلہ کیا ہے۔

(جاری ہے)

جرمن وزیر داخلہ ہورسٹ زیہوفر نے اس فیصلے کا اعلان کرتے ہوئے یہ بھی کہا کہ وہ یورپ میں آزاد نقل و حرکت کے حامی ہیں اور اسے یورپی یونین کی ایک اہم ترین کامیابی بھی سمجھتے ہیں لیکن موجودہ حالات میں ان کے پاس سرحدی نگرانی میں توسیع کے علاوہ کوئی چارہ نہیں تھا۔

بیان وفاقی جرمن وزارت داخلہ کی جانب سے جاری کیا گیا جس میں مزید کہا گیا، ’’یورپی یونین کی بیرونی سرحدوں کی نگرانی کے نقائص اور بڑے پیمانے پر جاری غیر قانونی مہاجرت کو سامنے رکھتے ہوئے ہم اس نتیجے پر پہنچے ہیں کہ داخلی سرحدوں کی نگرانی ناگزیر ہے اس لیے جرمنی اور آسٹریا کی سرحد پر بارڈر کنٹرول جاری رکھا جائے گا۔‘‘

Facebook Twitter Google + Share on Whatsapp

جرمن آسٹرین سرحد پر بارڈر کنٹرول جاری رہے گا

متعلقہ عنوان :

مزید بین الاقوامی خبریں