معروف سٹیج اداکارہ نے بھی رواں سال اپنا گھر بسانے کا فیصلہ کرلیا

جمعرات 19 اپریل 2018 13:13

لاہور (اُردو پوائنٹ اخبارتازہ ترین - این این آئی۔ 19 اپریل2018ء) ٹی وی و تھیٹر کی نامور اداکارہ سدرہ نور نے بھی رواں سال اپنا گھر بسانے کا فیصلہ کرلیا۔ بتایا گیا ہے کہ سدرہ نور کے ہونے والے شوہر کا تعلق لاہور سے ہے ۔

(جاری ہے)

اس حوالے سے اداکارہ سدرہ نور نے کہا کہ جوڑے آسمانوں پر بنتے ہیں ،ہر عورت کا اصل گھر اس کے شوہر کا ہوتا ہے میں بھی اس سال شادی کرلوں گی میرے ہونے والے شوہر بہت اچھے اور پیار کرنے والے انسان ہیں جو مجھ سے بہت محبت کرتے ہیں۔ انہوں نے کہاکہ دوسرے فنکاروں کی طرح میں شادی کو چھپائوں گی نہیں بلکہ ڈنکے کی چوٹ پر شادی کروں گی جس میں تمام دوستوں اور خاص طو رپر میڈیا کو دعوت دوں گی ۔