آرمینیا میں سابق صدرکا بطوروزیراعظم انتخاب کے خلاف مظاہرے اورریلیاں

شرکاء کے ’’سیرز کے بغیر آرمینیا‘‘ کے نعرے،ملک کے مختلف شہروں میں ریلیاں،پولیس کا دھاوا،70افرادگرفتار

جمعرات 19 اپریل 2018 13:28

پریوان (اُردو پوائنٹ اخبارتازہ ترین - این این آئی۔ 19 اپریل2018ء) آرمینیا کے دارالحکومت یریوان میں ہزارہا افراد نے سابق صدر سیرز سارکیزیئن کے بطور وزیر اعظم انتخاب کے خلاف احتجاج کیا ۔ ان مظاہروں میں یونیورسٹی طلبہ بھی شریک تھے۔ تاہم پولیس نے اس دوران 70 سے زائد مظاہرین کو گرفتار کرلیا۔

(جاری ہے)

غیرملکی خبررساں ادارے کے مطابق’’سیرز کے بغیر آرمینیا‘‘ کے نعرے لگاتے ہوئے مظاہرین نے دارالحکومت کے وسطی حصے میں مارچ کیا جبکہ شہر کے دیگر حصوں میں ریلیاں نکالی گئیں۔ ایک دہائی تک ملک کے صدر رہنے والے روس نواز سارکیزیئن کو ملک کا وزیر اعظم منتخب کر لیا گیا تھا۔ ان مظاہروں میں یونیورسٹی طلبہ بھی شریک تھے۔ حکام کے مطابق اس دوران 70 سے زائد مظاہرین کو گرفتار کیا گیا ہے۔