ْقصور، ٹھٹھہ کمیانہ میں زمین کے تنازعہ پر دو گروپوں میں فائرنگ ،8بچی جاں بحق ،ایک شخص شدید زخمی

جمعرات اپریل 20:59

قصور(اُردو پوائنٹ اخبارتازہ ترین۔ 19 اپریل2018ء) نواحی علاقہ ٹھٹھہ کمیانہ میں زمین کے تنازعہ پر دو گروپوں کے مابین فائرنگ کے نتیجہ میں8سالہ بچی جاں بحق اور ایک شخص شدید زخمی ہوگیا۔

(جاری ہے)

تفصیل کے مطابق مقدمہ کے مدعی عبدالغفور کے مطابق اس کا فلک شیر وغیرہ کے مابین زمین کا تنازعہ چلا آ رہا تھا وقوعہ کے روز دونوں گروپوں کا آمنا سامنا ہو گیا اور دونوں جانب سے فائرنگ کے تبادلہ میں عبدالغفور کی8سالہ بیٹی نسیم مخالفین کے فائرنگ سے جاں بحق جبکہ مخالفین کا ایک شخص افتخارشدید زخمی ہوگیا ،جسے طبی امداد کیلئے سول ہسپتال پتو کی پہنچا دیا گیا ہے ،،پولیس نے مقدمہ درج کرکے ملزمان فلک شیر ،افتخار اور مبین وغیرہ کی تلاش شروع کر دی ہے ،جبکہ سرائے مغل کے علاقہ کوٹ بشیر میں نا معلوم مخالفین محمد انور کے گھر داخل ہو کر گھر میں موجود اس کی بیٹی سکینہ کو فائرنگ کرکے شدید زخمی کر دیا اور فرار ہو گئے ،،پولیس مصروف تفتیش ہے ۔