بنوں آپریشن میں سیکیورٹی فورسز کی پیشہ ورانہ صلاحیتیں قابل تحسین ہیں، شیری رحمان

جمعرات 27 اگست 2026 20:33

اسلام آباد (اُردو پوائنٹ اخبارتازہ ترین - این این آئی۔ 27 اگست2026ء) پاکستان پیپلز پارٹی کی نائب صدر سینیٹر شیری رحمان نے ضلع بنوں میں دہشت گردوں کے خلاف کامیاب آپریشن پر سیکیورٹی فورسز کو شاباش دیتے ہوئے کہا ہے کہ بنوں آپریشن میں سیکیورٹی فورسز کی پیشہ ورانہ صلاحیتیں قابلِ تحسین ہیں۔

(جاری ہے)

جاری بیان میں شیری رحمن نے کہا کہ 11دہشت گردوں کا خاتمہ امن دشمنوں کے خلاف موثر کارروائی کا ثبوت ہے۔ انہوں نے کہا کہ ملک کے دفاع میں سیکیورٹی فورسز کی جرات و بہادری قوم کے لیے باعث فخر ہے۔شیری رحمن نے کہا کہ پاک سرزمین سے دہشت گردی کے مکمل خاتمے کا دن دور نہیں، سیکیورٹی فورسز اور عوام مل کر پاکستان کے دشمنوں کو ہر محاذ پر شکست دیں گے۔