ْوفاقی وزیر تجارت کی برطانوی ہم منصب اور برطانیہ میں پاکستانی تجارتی نمائند ے سے ملاقاتیں

محمد پرویز ملک کا پاکستان کی جی ایس پی پلس کیساتھ یورپی یونین میں حیثیت برقرار کھنے کی حمایت پر برطانوی حکومت سے اظہار تشکر

جمعرات 19 اپریل 2018 23:22

اسلام آباد (اُردو پوائنٹ اخبارتازہ ترین - این این آئی۔ 19 اپریل2018ء) وفاقی وزیر تجارت محمد پرویز ملک نے برطانوی حکومت کی جانب سے پاکستان کی جی ایس پی پلس کے ساتھ یورپی یونین میں حیثیت برقرار کھنے کی حمایت کا شکریہ ادا کرتے ہوئے برطانوی وزیر خارجہ کو دورہ پاکستان کی دعوت دی ہے ۔ وفاقی وزیر تجارت محمد پرویز ملک نے دورہ برطانیہ کے دوران برطانوی وزیر تجارت دورہ برطانیہ کے دوران وزیر تجارت گریگ ہینڈز سے ملاقات میں برطانوی وزیر تجارت گریگ ہینڈز اور پاکستان کے تجارتی نمائندے رحمن چشتی سے اہم ملاقاتیں کیں۔

ان ملاقاتوں میں پاکستان کے ہائی کمشنر سید ابن عباس بھی ان کے ہمراہ تھے۔ملاقات کے دوران وفاقی وزیر نے برطانوی حکومت کی جانب سے پاکستان کی جی ایس پی پلس کیساتھ یورپی یونین میں حیثیت برقرار رکھنے کی حمایت پر شکریہ ادا کرتے ہوئے بریکسٹ کیساتھ قریبی تجارتی تعلقات کے بارے میں دریافت کیا۔

(جاری ہے)

برطانوی وزیر تجارت گریگ ہینڈز نے وفاقی وزیر کو یقین دہانی کراتے ہوئے کہا کہ برطانیہ کے یورپی یونین سے انخلاء کے بعد پاکستان میں برطانیہ زیادہ سستی مارکیٹ تک رسائی حاصل کریگا۔

انہوں نے برطانیہ کی سرمایہ کاری کیلئے ایک محفوظ منزل کے طور پر اسے فروغ دینے کیلئے پاکستان کیساتھ کام کرنے پر رضامندی کا اظہار کیا ۔وفاقی وزیر تجارت محمد پرویز ملک نے برطانوی وزیر تجارت کو دورہ پاکستان کی دعوت دی جسے انہوں نے قبول کرلیا ۔وزیر تجارت نے ’ایشیا لیڈرز گول میز کانفرنس‘ اور فیشن و ٹیکسٹائل ایونٹ میں بھی شرکت کی یہ معاشی محاذ پر پاکستان میں زمینی توانائی اور بنیادی ڈھانچے کیلئے سی پیک میں ایک بڑی کامیابی اور تبدیلی ہے۔ وفاقی وزیر نے سینٹ جنیز محل میں ڈیوک آف یارک پرنس اینڈ ریو سے بھی ملاقات کی ۔اس موقع پر دونوں رہنمائوں نے دونوں ممالک کے درمیان قریبی تعلقات پر بات چیت کی اور اس کو مزید مضبوط بنانے پر زور دیا۔