دبئی ، لفٹ میں 16 سالہ طالبہ کو جنسی ہراساں کرنے پر پاکستانی کارکن گرفتار

Sadia Abbas سعدیہ عباس جمعہ 20 اپریل 2018 14:58

دبئی (اُردو پوائنٹ اخبارتازہ ترین۔ 20 اپریل2018ء) دبئی میں پاکستانی کارکن کو 16 سالہ طالبہ کو لفٹ میں جنسی ہراساں کرنے کے جرم میں گرفتار کر لیا گیا ۔ مزید تفصیلات کے مطابق 16 سالہ اسکول کی طالبہ نے پولیس کو بتایا کہ وہ اپنے گھر جانے کے لیے لفٹ میں پاکستانی کارکن کی ساتھ سوار ہوئی ، اسے چوتھی منزل پر جانا تھا اور جب چوتھی منزل آئی تو اسنے لفٹ کو باہر جانے کے لیے روکا ۔

لفٹ رکنے پر جب وہ لفٹ سے اترنے لگی تو پاکستانی کارکن نے اسے پیچھے سے دبوچ لیا ۔

(جاری ہے)

طالبہ نے مزید بتایا کہ کارکن کے دبوچنے پر اسنے اسے ٹھوکر ماری اور وہاں سے بھاگ گئی اور اپنی ماں کو مدد کے لیے بلانے لگی ۔ لڑکی نے اپنے والدین کے ساتھ پولیس اسٹیشن میں شکایت درج کرائی ، جس پر پولیس نے فوری کاروائی کرتے ہوئے پاکستانی کارکن کو گرفتار کر لیا ۔ لفٹ میں لگے ہوئے سیکیورٹی کمروں کی سی سی ٹی وی فوٹیج پولیس نے حاصل کر لی ہے ۔ فوٹیج میں آدمی کو طالبہ کو دبوچتے ہوئے دیکھا جا سکتا ہے۔ کیس کا فیصلہ اگلی سنوائی تک ملتوی کر دیا گیا ہے ۔ کیس کی اگلی سنوائی 26 اپریل کو ہو گی ۔