فیصل آباد ،ْگھر میں آتشزدگی سے باپ بیٹی جاں بحق ،ْ لاشیں ورثاء کے حوالے

اتوار 22 اپریل 2018 13:50

فیصل آباد (اُردو پوائنٹ اخبارتازہ ترین - این این آئی۔ 22 اپریل2018ء) فیصل آباد میں بستر پر سگریٹ کی چنگاری گرنے سے گھر میں آگ لگ گئی جس سے گھر میں موجود بوڑھا معذور باپ اور بیٹی جھلس کر جاں بحق ہوگئے۔

(جاری ہے)

جڑانوالہ روڈ پر واقع عبداللہ کالونی کا رہائشی 60 سالہ معذور صادق علی اپنے اہلخانہ کے ہمراہ گھر پر موجود تھا کہ رات کے وقت سگریٹ پیتے ہوئے صادق علی کی اچانک آنکھ لگ گئی اور اسی دوران سگریٹ کی چنگاری بستر پر گرنے سے گھر میں آگ گئی ،ْآگ نے دیکھتے ہی دیکھتے پورے گھر کو اپنی لپیٹ میں لے لیا۔

آگ کی زد میں آکر 60 سالہ معذور صادق علی اور اس کی 20سالہ بیٹی زینب بری طرح سے جٴْھلس گئے اور موقع پر ہی دم توڑ گئے ،ْ گھر میں پھنسے باقی افراد کو ریسکیو 1122 نے باحفاظت گھر سے باہر نکال لیا۔ آگ لگنے سے گھر میں پڑا قیمتی سامان بھی جل کر خاکستر ہوگیا ،ْپولیس نے دونوں لاشیں قبضہ میں لیتے ہوئے ضروری کارروائی کے بعد ورثاء کے حوالہ کردیں۔

Facebook Twitter Google + Share on Whatsapp

فیصل آباد ،ْگھر میں آتشزدگی سے باپ بیٹی جاں بحق ،ْ لاشیں ورثاء کے حوالے

متعلقہ عنوان :

مزید قومی خبریں