آزادی اظہار میں یورپ سب سے پیچھے اور مسلسل تنزلی کا شکار

یورپ میں صحافیوں سے نفرت اور توہین آمیز برتائو میں اضافہ ہوا ہے

بدھ 25 اپریل 2018 18:39

لندن(اُردو پوائنٹ اخبارتازہ ترین - آئی این پی۔ 25 اپریل2018ء) آزادی اظہارکی صورتحال میںیورپ سب سے پیچھے کھڑا ہے، یورپ میںآزادی اظہار تنزلی کا شکار ہے، یورپ میںصحافیوں سے نفرت اور توہین آمیز برتائو میںاضافہ ہوا ہے۔

(جاری ہے)

غیر ملکی میڈیا کے مطابق گزشتہ برسوں کے دوران دنیا کے کسی بھی خطے کے مقابلے میں یورپ میں آزادی اظہار کی صورتحال سب سے بری طرح تنزلی کا شکار ہوئی۔

صحافیوں کی تنظیم رپورٹرز وِدآؤٹ بارڈرز کے مطابق پولینڈ، ہنگری، سلوواکیہ اور چیک جمہوریہ میں حکومت اور سیاستدانوں کی جانب سے ذرائع ابلاغ کو مخالفین کے خلاف نفرت انگیزی کے لیے استعمال کیا جا رہا ہے۔ اس کے علاوہ عوامیت پسندوں کی بڑھتی ہوئی مقبولیت کے بعد صحافیوں سے نفرت اور ان سے توہین آمیز برتاؤ کے واقعات میں بھی اضافہ ہوا ہے۔