Live Updates

قوم عمران خان کے دھرنے کا ڈرامہ نہیں بھولی، حکومت پی ٹی وی اور پارلیمنٹ پر حملہ کیس کے فیصلے کے خلاف اپیل دائر کرے گی

وزیر مملکت برائے خزانہ رانا محمد افضل کی پارلیمنٹ ہائوس کے باہر میڈیا سے گفتگو

جمعہ 4 مئی 2018 17:17

اسلام آباد ۔ (اُردو پوائنٹ اخبارتازہ ترین - اے پی پی۔ 04 مئی2018ء) وزیر مملکت برائے خزانہ رانا محمد افضل نے کہا ہے کہ قوم عمران خان کے دھرنے کا ڈرامہ نہیں بھولی، حکومت پی ٹی وی اور پارلیمنٹ پر حملہ کیس کے فیصلے کے خلاف اپیل دائر کرے گی، ۔

(جاری ہے)

جمعہ کو پارلیمنٹ ہائوس کے باہر میڈیا سے گفتگو کرتے ہوئے وزیر مملکت نے کہا کہ حکومت عمران خان اور ان کے ورکروں کی جانب سے پی ٹی وی اور پارلیمنٹ پر حملے کیس کے فیصلے کے خلاف اپیل دائر کرے گی۔

دھرنے کے دوران ایس ایس پی اسلام آباد کو پی ٹی آئی کے ورکرز نے بے دردی سے مارا، اس حوالے سے فوٹیج اور دیگر مواد بھی موجود ہے۔ رانا افضل نے کہا کہ عمران خان نے دھرنے کے دوران حکومت کو گرانے کی کوشش کی اور بار بار حکومت ختم ہونے کے دعوے کرتے رہے۔ عدالت نے پی ٹی وی حملہ کے حوالے سے جو فیصلہ دیا ہے، اس کا عدلیہ پر بھی اثر پڑے گا