2 رکنی قومی جوڈو ٹیم 12 ویں ایشین کیڈٹ اور 19 ویں ایشین جونیئر جوڈو چیمپئن شپ میں شرکت کیلئے لبنان پہنچ گئی

بدھ مئی 12:56

اسلام آباد ۔ (اُردو پوائنٹ اخبارتازہ ترین۔ 09 مئی2018ء) 2 رکنی قومی جوڈو ٹیم 12 ویں ایشین کیڈٹ اور 19 ویں ایشین جونیئر جوڈو چیمپئن شپ میں شرکت کیلئے لبنان پہنچ گئی۔ پاکستان جوڈو فیڈریشن کے نائب صدر اور میڈیا ڈائریکٹر مسعود احمد خان کے مطابق دونوں ایونٹس( آج) جمعرات سے لبنان میں شروع ہوں گے جو14 مئی تک جاری رہیں گے۔ ایشین جونیئر میں محمد حسنین جبکہ کیڈٹ چیمپئن شپ میں قیصر خان پاکستان کی نمائندگی کریں گے۔

(جاری ہے)

دونوں کھلاڑیوں نے اپنے ڈیپارٹمنٹ آرمی میں بھر پور تربیت حاصل کی ہے۔ انہوں نے کہا کہ قیصر خان نے ایشین جوڈو چیمپئن شپ میں طلائی تمغہ جیتا تھا۔ یہ ایونٹ قیصر خان کیلئے یوتھ اولمپک کوالیفیکیشن رائونڈ ہوگا۔ امید ہے وہ کوالیفیکیشن رائونڈ میں بہتر کارکردگی کا مظاہرہ کر کے یوتھ اولمپک کیلئے کوالیفائی کریں گے۔ محمد حسنین پہلی مرتبہ کسی بین الاقوامی ایونٹ میں پاکستان کی نمائندگی کر رہے ہیں، ان سے بھی عمدہ کارکردگی کی توقع ہے۔

متعلقہ عنوان :