کوئٹہ ،ْدشت ریلوے ٹریک پر دہشت گردی کا منصوبہ ناکام ،ْبم ناکارہ بنا دیا گیا

جمعرات 10 مئی 2018 14:06

کوئٹہ(اُردو پوائنٹ اخبارتازہ ترین - این این آئی۔ 10 مئی2018ء) صوبہ بلوچستان کے ضلع مستونگ کی تحصیل دشت میں ریلوے ٹریک پر دہشت گردی کا منصوبہ ناکام بنا دیا گیا ،ْبم ڈسپوزل اسکواڈ کے مطابق ریلوے ٹریک پر نصب دھماکا خیز مواد پریشر ککر میں رکھا گیا تھا ،ْ جسے ناکارہ بنادیا گیا۔بم ڈسپوزل اسکواڈ کی جانب سے ناکارہ بنایا گیا بم دیسی ساختہ اور ٹائم ڈیوائس تھا، جس میں 18 سے 20 کلو دھماکا خیز مواد استعمال کیا گیا تھا۔

(جاری ہے)

واضح رہے کہ اس سے کچھ دیر قبل بھی دشت کے علاقے تیرہ میل میں ریلوے ٹریک کے قریب ایک دھماکا ہوا تھاجس سے ٹریک کوجزوی نقصان پہنچا تھاتاہم کوئی جانی نقصان نہیں ہوا تھا ،ْدھماکے کے بعد متاثرہ ٹریک پر سے ٹرینوں کی آمدو رفت معطل ہوگئی، جس کے بعد اندرون ملک جانے والی ٹرینوں کو کوئٹہ ریلوے اسٹیشن پر روک لیا گیا تھا۔متاثرہ ٹریک کی بحالی کیلئے متعلقہ ٹیمیں ،ْ بم ڈسپوذل اسکواڈ بھی جائے وقوع پر پہنچ گیا اور سرچنگ کا کام شروع کر دیا گیا۔ریلوے حکام کے مطابق ٹریک پر دھماکے سے ٹرینوں کی روانگی متاثر ہوئی، تاہم بعدازاں ریلوے ٹریک کو بحال کردیا گیا۔