تحریک انصاف کے رہنما اعجاز چوہدری کی ایپکا اور نابینا افراد کے احتجاجی دھر نے میں شرکت

پیر مئی 18:29

تحریک انصاف کے رہنما اعجاز چوہدری کی ایپکا اور نابینا افراد کے احتجاجی ..
لاہور (اُردو پوائنٹ اخبارتازہ ترین۔ 14 مئی2018ء) پاکستان تحریک انصاف کے سینئر مرکزی رہنما اعجاز احمد چوہدری نے سیکرٹیریٹ پر ایپکا کے احتجاجی مظاہرے اور کلمہ چوک پر نابینا افراد کے احتجاجی دھر نے میں شرکت کی ۔

(جاری ہے)

اس موقع پر اعجازاحمد چوہدری نے مظاہرے کے شرکاء اور میڈیا کے نمائندوں سے خطاب کرتے ہوئے کہاکہ حکومت کو شرم آنی چایئے کہ کلرک اورنابینا افراد اپنے حق کے لیے سڑکوں پر دھکے کھانے پر مجبورہیں ، بے حس حکمرانوں کو عام آدمی کی کوئی فکر نہیں ۔

انہوںنے کہاکہ میں پاکستان تحریک انصاف کے چیئرمین عمران خان کی طرف سے پیغام دینا چاہتا ہوں کہ ہم اپنے نابینااور کلرک بھائیوں کے ساتھ ہے اور انکے مطالبات کو جائز سمجھتے ہیں اور حکومت سے مطالبہ کرتے ہیںکہ ان کے تمام مطالبات 24گھنٹوں میں پورے کیے جائیں ۔