کراچی،پیپلزپارٹی اور پی ٹی آئی میں تصادم کے بعد پولیس نے بڑا فیصلہ کرلیا

کیمروں والی موبائلوں سے اجتماعات کی پوری عکس بندی کی جائے گی،کراچی پولیس چیف نے تینوں زونل ڈی آئی جیز کو چار کیمروں والی پولیس موبائل تیار کرنے کی ہدایت کردی

بدھ 16 مئی 2018 22:28

کراچی (اُردو پوائنٹ اخبارتازہ ترین - آن لائن۔ 16 مئی2018ء) کراچی میں اب سیاسی تصادم نہیں چلے گا، پیپلزپارٹی اور پی ٹی آئی میں تصادم کے بعد پولیس نے بڑا فیصلہ کرلیا، کیمروں والی موبائلوں سے اجتماعات کی پوری عکس بندی کی جائے گی۔

(جاری ہے)

کراچی پولیس چیف نے تینوں زونل ڈی آئی جیز کو چار کیمروں والی پولیس موبائل تیار کرنے کی ہدایت کردی، جس سے سیاسی، سماجی اور لسانی اجتماعات کی فوٹیجز بنائی جائے گی۔تصادم کے نتیجے میں ملبہ پولیس پر ڈال دیا جاتاہے، کیمروں سے اجتماعات کی پوری عکس بندی کی جا سکے گی، زیادہ اجتماعات والے مقامات کے قریب بلڈنگز پر بھی کیمرے لگائے جائیں گے۔کراچی پولیس کا کہنا ہے کہ غفلت برتنے والے افسران کیخلاف کارروائی ہوگی۔