وٹس ایپ نے گروپ وڈیو کالنگ فیچر متعارف کرا دیا

جمعرات 24 مئی 2018 14:21

کیلیفورنیا ۔ (اُردو پوائنٹ اخبارتازہ ترین - اے پی پی۔ 24 مئی2018ء) سماجی روابط کی ویب سائٹ وٹس ایپ نے محدود پیمانے پر گروپ وڈیو کالنگ فیچر متعارف کرا دیا۔وٹس ایپ کی طرف سے جاری بیان کے مطابق فی الحال یہ فیچر تمام صارفین کے لئے دستیاب نہیں۔ڈبلیو اے بیٹا انفو کی طرف سے جاری ٹویٹ کے مطابق ابھی تک بہت ہی کم صارفین کو یہ نیا فیچر موصول ہونے کی اطلاعات ملی ہیں۔

(جاری ہے)

اس نئے فیچر کے ذریعے ایک صارف ایک وڈیو کال میں چار افراد کو شرکت کی دعوت دے سکتا ہے۔یہ فیچر وٹس ایپ ورژن اینڈرائیڈ کے لئے 2.18.145 اور آئی او ایس کے لئے 2.18.52پر دستیاب ہے۔یہ معلوم کرنے کے لئے کہ کسی فون پر یہ نیا فیچر موجود ہے یا نہیں وڈیو کال کر کے چیک کیا جاسکتا ہے۔ وڈیو کال کرنے پر اگر فون پر ’’ایڈ ریسیپی اینٹ‘‘ کا آپشن دکھائی دے تو اس کا مطلب یہ ہو گا کہ اس فون پر گروپ وڈیو کالنگ فیچر موصول ہو چکا ہے۔

Facebook Twitter Google + Share on Whatsapp

وٹس ایپ نے گروپ وڈیو کالنگ فیچر متعارف کرا دیا

متعلقہ عنوان :

مزید بین الاقوامی خبریں