سپیکرصوبائی اسمبلی اسدقیصر کیخلاف تحریک عدم اعتماد واپس لے لی گئی

جمعرات 24 مئی 2018 18:26

پشاور۔ (اُردو پوائنٹ اخبارتازہ ترین - اے پی پی۔ 24 مئی2018ء) سپیکرصوبائی اسمبلی اسدقیصر کیخلاف تحریک عدم اعتماد واپس لے لی گئی پاکستان تحریک انصاف کے منحرف اورپی پی میں شامل ہونیوالے رکن صوبائی اسمبلی ضیاء اللہ آفریدی نے گزشتہ روز سپیکرخیبرپختونخوااسمبلی اسدقیصر کیخلاف اسمبلی سیکرٹریٹ میں جمع کرائی گئی تحریک عدم اعتماد واپس لے لی ہے ، واضح رہے کہ پیر کو صوبائی اسمبلی میں فاٹاانضمام سے متعلق بل پیش کئے جانے کابھی امکان ہے، ضیاء اللہ آفریدی کے مطابق پیپلزپارٹی نے فاٹاکے عوام کی خاطرتحریک عدم اعتمادواپس لینے کی قربانی دی ہے ۔