جوش ہیزلووڈ فٹنس مسائل کے باعث دورہ انگلینڈ سے باہر، آل رائونڈر مائیکل نیسر کو پہلی بار سکواڈ میں طلب کر لیا گیا

منگل 29 مئی 2018 10:10

سڈنی ۔ (اُردو پوائنٹ اخبارتازہ ترین - اے پی پی۔ 29 مئی2018ء) آسٹریلوی فاسٹ بائولر جوش ہیزلووڈ فٹنس مسائل کے باعث دورہ انگلینڈ سے باہر ہو گئے، ہیزلووڈ انگلینڈ کے خلاف شیڈول سیریز سے باہر ہونے والے تیسرے آسٹریلوی فاسٹ بائولر ہیں، کینگروز کو فاسٹ بائولرز مچل اسٹارک اور پیٹ کمنز کی بھی خدمات حاصل نہیں ہوں گی، دونوں کھلاڑی بحالی صحت کے عمل سے گزر رہے ہیں، ہیزلووڈ کی جگہ کوئنزلینڈ فاسٹ بائولر مائیکل نیسر کو پہلی مرتبہ سکواڈ میں طلب کر لیا گیا۔

(جاری ہے)

آسٹریلوی ٹیم آئندہ ماہ دورہ انگلینڈ کے دوران پانچ ایک روزہ اور واحد ٹی ٹونٹی میچوں کی سیریز کھیلے گی۔ کرکٹ آسٹریلیا کی طرف سے جاری کردہ بیان کے مطابق ٹیم فزیو ڈیوڈ بیکلے نے طبی معائنے کے بعد ہیزلووڈ کو مزید آرام کا مشورہ دیا اسلئے وہ دورہ انگلینڈ کیلئے ٹیم کو دستیاب نہیں ہوں گے، ان کی جگہ مائیکل نیسر کو ٹیم میں شامل کر لیا گیا ہے۔