گلگت بلتستان کی حکومت مخلص اور خطے سے محبت کرنے والے لوگوں کے ساتھ ہے‘ فرمان علی

بدھ 30 مئی 2018 14:18

گلگت۔ (اُردو پوائنٹ اخبارتازہ ترین - اے پی پی۔ 30 مئی2018ء) صوبائی وزیر بلدیات ودیہی ترقی گلگت بلتستان فرمان علی نے مختلف وفود سے بات چیت کرتے ہوئے کہا کہ گلگت بلتستان کی حکومت مخلص اور خطے سے محبت کرنے والے لوگوں کے ساتھ ہے جن کی دن رات کوششوں سے گلگت بلتستان ایک پُر امن اور ترقی یافتہ علاقہ بن چکا ہے ۔

(جاری ہے)

انہوں نے کہا صوبائی حکومت سابقہ دور حکومت کی طرح نوکریوں کی فروخت اور بندر بانٹ میں مصروف نہیں ہے بلکہ صوبائی حکومت اوروزیر اعلٰی گلگت بلتستان کی ترقی اور خوشحالی کے ساتھ ساتھ گلگت بلتستان کو آئینی صوبہ بنانے اور گلگت بلتستان کے عوام کو آئینی حقوق دلانے کے لئے کام کرتے رہیں گے۔

انہوں نے کہا کہ آرڈننس 2018 گو کہ ہماری منزل نہیں ہے لیکن موجودہ صورت حال میں یہ آرڈر 2009سیلف گوورننس سے بہتر ہے جس میں تمام اختیارات اسمبلی کو منتقل کیے جا چکے ہیں انہوں نے کہا کہ اگر گلگت بلتستان اسمبلی کو با اختیار بنانا اور قانون سازی کا حق دینا جرم ہے تو ہم یہ جرم کرتے رہیں گے۔

Facebook Twitter Google + Share on Whatsapp

گلگت بلتستان کی حکومت مخلص اور خطے سے محبت کرنے والے لوگوں کے ساتھ ہے‘ فرمان علی

متعلقہ عنوان :

مزید قومی خبریں