سینیٹر مشاہد اللہ خان سینیٹ کی قائمہ کمیٹی برائے ایوی ایشن ڈویژن کے بلامقابلہ چیئرمین منتخب

جمعہ 1 جون 2018 15:23

اسلام آباد ۔ یکم جون (اُردو پوائنٹ اخبارتازہ ترین - اے پی پی۔ 01 جون2018ء) مسلم لیگ (ن) کے سینیٹر مشاہد اللہ خان سینیٹ کی قائمہ کمیٹی برائے ایوی ایشن ڈویژن کے بلامقابلہ چیئرمین منتخب ہو گئے ہیں۔ جمعہ کو کمیٹی کے اجلاس میں سینیٹر حاصل بزنجو نے بطور چیئرمین مشاہد اللہ خان کی تائید اور تجویزکی۔

(جاری ہے)

کمیٹی کے تمام ارکان نے مشاہد اللہ خان کو چیئرمین منتخب کر لیا ۔

چیئرمین منتخب ہونے کے بعد مشاہد اللہ خان نے ارکان کا شکریہ اداکرتے ہوئے کہا کہ وہ کمیٹی کے فیصلوں میں تمام ارکا ن کو ساتھ لے کر چلیں گے۔ انہوں نے کہا کہ اہم اداروں میں اصلاح کی گنجائش ہے۔ کمیٹی اس کے لئے اپنا کردار ادا کرے گی۔ انہوں نے کہاکہ قائمہ کمیٹی برائے ایوی ایشن ڈویژن جلد نئے اسلام آباد ایئر پورٹ کا دورہ کرے گی۔