لیڈزٹیسٹ ، پاکستانی بیٹنگ لائن ریت کی دیوار ثابت ہوئی، اننگز اور55رنز سے شرمناک شکست
انگلینڈ نے 2ٹیسٹ میچوں کی سیریز کے دوسرے میچ میں پاکستان کو شکست دیکر سیریز1-1سے برابر کر دی انگلینڈ کی جانب سے پہلی اننگز میں189رنز کی برتری کے بعد پاکستانی ٹیم اپنی دوسری اننگز میں134رنز بنا کر آئوٹ،8بلے باز ڈبل فیگر میں بھی داخل نہ ہوسکے،امام الحق34اور عثمان صلاح الدین 34رنز بنا کر نمایاں بلے باز رہے انگلینڈ کی جانب سے ڈومینک بیس اور اسٹیورٹ براڈ نے 3،3، اینڈرسن نی2،ووکس اور سیم کرن نے ایک ایک کھلاڑی کو آوٹ کیا،انگلینڈ کے جوس بٹلر مین آف دی میچ اورپاکستان کے محمد عباس مین آف دی سیریز قرار
اتوار 3 جون 2018 21:00
(جاری ہے)
اتوار کو لیڈز میں کھیلے گئے سیریز کے دوسرے ٹیسٹ میچ کے تیسرے دن انگلینڈ نے 302رنز 7کھلاڑی آئوٹ سے اپنی پہلی نامکمل اننگز دوبارہ شروع کی تو جوز بٹلر پاکستانی بالرز کی راہ میں حائل تھے۔
انگلینڈ کی ٹیم پہلی اننگز میں 363 رنز بنا کر آئوٹ ہو گئی جبکہ جوز بٹلر نے ناقابل شکست 80 رنز کی اننگز کھیل کر اپنی ٹیم کو پہلی اننگز میں 189رنز کی فیصلہ کن برتری دلائی۔انگلینڈ کے جوس بٹلر اور سیم کرن نے 7 وکٹوں کے نقصان پر 302 رنز سے نامکمل اننگز کا آغاز کیا تو مجموعی اسکور میں 17 رنز کے اضافے کے بعد سیم کرن پویلین لوٹ گئے۔سیم کرن 20 رنز بناکر محمد عباس کی گیند پر اسد شفیق کو کیچ تھما بیٹھے جب کہ انگلش ٹیم کی نویں وکٹ اسٹورٹ براڈ کی گری جو 2 رنز بناکر فہیم اشرف کا شکار بنے۔آخری آٹ ہونے والے کھلاڑی اینڈرسن تھے جنہیں حسن علی نے پویلین کی راہ دکھائی اور انگلینڈ کی پوری ٹیم پہلی اننگز میں 363 کے مجموعی اسکور پر آٹ ہوگئی۔انگلش ٹیم کی جانب سے جوس بٹلر 80، ڈومینک بیس 49 اور الیسٹر کک 46 رنز بناکر نمایاں رہے۔ پاکستان کی جانب سے فہیم اشرف نے 3، محمد عامر، محمد عباس اور حسن علی نے 2،2 جب کہ شاداب خان نے ایک کھلاڑی کو پویلین کی راہ دکھائی۔189رنز کے خسارے کے بعد پاکستانی اننگز کا آغاز ایک مرتبہ پھر مایوس کن انداز میں ہوا اور اظہر علی 11اور حارث سہیل 8 رنز بنا کر جیمز اینڈرسن کی وکٹ بن گئے۔پاکستان کو بڑا دھچکا اس وقت لگا جب تجربہ کار اسد شفیق لیگ اسٹمپ سے باہر جاتی گیند پر غیرضروری شاٹ کھیلنے کی کوشش میں وکٹ کیپر کو کیچ دے کر پویلین لوٹ گئے۔ پاکستان کی جانب سے کوئی بھی بلے باز جم کر وکٹ پر نہ کھیل سکا اور پاکستان کی وقفے وقفے سے وکٹیں گرتی رہیں۔پاکستان کی جانب سے امام الحق34،حارس سہیل8،اسد شفیق5،عثمان صلاح الدین33،سرفراد احمد8،شاداب خان4،فہیم اشرف7،حسن علی9اور محمد عباس ایک رن بنا کر آئوٹ ہوئے جبکہ محمد عامر 9رن بنا کر ناقابل شکست رہے۔انگلینڈ کی جانب سے ڈومینک بیس اور اسٹیورٹ براڈ نے 3،3 جبکہ جیمز اینڈرسن نے دو کھلاڑیوں کو آئوٹ کیا۔واضح رہے کہ پاکستان کے کپتان سرفراز احمد نے ٹاس جیت کر پہلے بیٹنگ کا فیصلہ کیا تھا جو کہ غلط ثابت ہوا اور پاکستانی ٹیم اپنی پہلی اننگز میں 174رنز بنا کر آئوٹ ہو گئی تھی، پہلی اننگز میں شاداب خان 56 رنز بناکر ٹاپ اسکورر رہے تھے۔مزید کھیلوں کی خبریں
-
پاکستان کرکٹ بورڈ کا غیر ملکی کیوریٹر کی تقرری کا فیصلہ
-
محمد عامر کے دورہ آئرلینڈ کے لیے ویزے کی منظوری دے دی گئی
-
ارشد ندیم اگلے ہفتے پاکستان واپس آجائیں گے
-
ٹی ٹونٹی ورلڈ کپ میں پاک بھارت میچ کے ٹکٹوں کی قیمت سامنے آگئی
-
آئی پی ایل سے ٹکراؤ میں پی سی بی کو پی ایس ایل 10 میں بڑے فائدے کا امکان
-
آئرلینڈ اورپاکستان کی کرکٹ ٹیموں کے درمیان پہلا ٹی ٹونٹی میچ (کل) کھیلا جائے گا
-
سلطان اذلان شاہ کپ، پاکستان اورنیوزی لینڈ کی ہاکی ٹیموں کے درمیان میچ (کل) کھیلا جائے گا
-
پی سی بی کا غیرملکی کیوریٹر کی تقرری کا فیصلہ
-
آئرلینڈ کیخلاف پہلے ٹی ٹونٹی کیلئے پاکستان کی ممکنہ پلیئنگ الیون چُن لی گئی
-
سعودی عرب کی ریسل مینیا کی میزبانی کے لیے ڈبلیو ڈبلیو ای کے ساتھ بات چیت جاری
-
زیادہ معاوضے ،مراعات کی خواہش ، آئرش کرکٹرز نے پاکستان سیریز سے قبل نئے سینٹرل کنٹریکٹس کی پیشکش مسترد کردی
-
محمد عامر آئرلینڈ کیخلاف پہلے ٹی ٹونٹی میچ سے باہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.