زمبابوین کرکٹرز کی معاوضوں کی عدم ادائیگی پر پاکستان اور آسٹریلیا کیساتھ آئندہ ماہ شیڈول ٹرائنگولر ٹوئنٹی 20 سیریز کے بائیکاٹ کی دوبارہ دھمکی

منگل 5 جون 2018 15:14

ہراری(اُردو پوائنٹ اخبارتازہ ترین - این این آئی۔ 05 جون2018ء) زمبابوین کرکٹرز نے معاوضوں کی عدم ادائیگی پر پاکستان اور آسٹریلیا کے ساتھ آئندہ ماہ شیڈول ٹرائنگولر ٹوئنٹی 20 سیریز کے بائیکاٹ کی دوبارہ دھمکی دیدی۔

(جاری ہے)

پلیئرز نے بورڈ کو الٹی میٹم دیا ہے کہ اگر ان کی تنخواہیں اور میچ فیس وغیرہ 25 جون تک ادا نہیں کی گئیں تو پھر وہ جولائی کی ٹی 20 ٹرائنگولر سیریزکا بائیکاٹ کردیں گے۔

رپورٹ کے مطابق زمبابوین کرکٹرز کو گذشتہ تین ماہ کی تنخواہ اور گزشتہ جولائی میں سری لنکن ٹور کے بعد سے اب تک کی میچ فیسیں ادا نہیں کی گئی ہیں، وہ پہلے ہی بطور احتجاج ٹرائنگولر سیریز کی تیاری کیلئے ٹریننگ سے انکار کرچکے ہیں، نئے قائم مقام کوچ لال چند راجپوت کی 10 جون کو زمبابوے آمد متوقع ہے، انھیں خالی نیٹس ہی دیکھنے کو مل سکتے ہیں۔