زمبابوین کرکٹرز اور بورڈز کے درمیان معاملات طے نہ ہوسکے

تمام کھلاڑیوں کی پاکستاان اور آسٹریلیا کے ساتھ ٹرائنگولر سیریز کے بائیکاٹ کی دوبارہ دھمکی

منگل 5 جون 2018 16:23

ہراری(اُردو پوائنٹ اخبارتازہ ترین - آن لائن۔ 05 جون2018ء) زمبابوین کرکٹرز نے معاوضوں کی عدم ادائیگی پر پاکستان اور آسٹریلیا کے ساتھ آئندہ ماہ شیڈول ٹرائنگولر ٹوئنٹی 20 سیریز کے بائیکاٹ کی دوبارہ دھمکی دیدی۔

(جاری ہے)

پلیئرز نے بورڈ کو الٹی میٹم دیا ہے کہ اگر ان کی تنخواہیں اور میچ فیس وغیرہ 25 جون تک ادا نہیں کی گئیں تو پھر وہ جولائی کی ٹی 20 ٹرائنگولر سیریزکا بائیکاٹ کردیں گے۔

رپورٹ کے مطابق زمبابوین کرکٹرز کو گذشتہ تین ماہ کی تنخواہ اور گزشتہ جولائی میں سری لنکن ٹور کے بعد سے اب تک کی میچ فیسیں ادا نہیں کی گئی ہیں، وہ پہلے ہی بطور احتجاج ٹرائنگولر سیریز کی تیاری کیلیے ٹریننگ سے انکار کرچکے ہیں، نئے قائم مقام کوچ لال چند راجپوت کی 10 جون کو زمبابوے آمد متوقع ہے، انھیں خالی نیٹس ہی دیکھنے کو مل سکتے ہیں۔۔