آئرلینڈ میں کرکٹ میچ کے دوران ماں اور بیٹا آمنے سامنے آگئے

جمعرات 7 جون 2018 16:02

ڈبلن(اُردو پوائنٹ اخبارتازہ ترین - آئی این پی۔ 07 جون2018ء) آئرلینڈ میں ایک مقامی کلب میچ کے دوران ماں اور بیٹا آمنے سامنے آگئے۔سابق آئرش انٹرنیشنل پیئر جولی لیوگ کو اپنے 16 سالہ بیٹے ایڈین کے خلاف ہی میدان میں اترنا پڑگیا۔

(جاری ہے)

جولی برڈینٹ کلب کی لائف ٹائم ممبر ہیں چونکہ اس کی کوئی بوائز ٹیم نہیں ہے اس لیے ایڈین نے فاکس لاج کو جوائن کیا،گذشتہ دنوں دونوں ٹیموں کا میچ ہوا۔جولی نے کہاکہ میں اس حوالے سے کافی نروس اور چاہتی تھی کہ میرا بیٹا جیتے، مگر میدان میں میری تمام سپورٹ اپنے کلب کے ساتھ تھی۔ اس مقابلے میں اگرچہ جولی نے اچھی بیٹنگ کی مگر ان کی ٹیم کو فاکس لاج کے ہاتھوں شکست ہوگئی۔