بھارتی ریاست مہاراشٹر میں منی بس اور ٹرک تصادم،10افرادہلاک

جمعہ 8 جون 2018 11:15

نئی دہلی ۔ (اُردو پوائنٹ اخبارتازہ ترین - اے پی پی۔ 08 جون2018ء) بھارتی ریاست مہاراشٹر میں ممبئی آگرہ قومی شاہراہ پر منی بس سڑک پر کھڑے ٹرک سے ٹکرانے کے نتیجے میں 10افراد ہلاک اور 13زخمی ہوگئے۔

(جاری ہے)

بھارتی ذرائع ابلاغ کے مطابق ناسک ضلع میںحادثہ صبح تقریباً 6بجے اس وقت پیش آیا جب عقیدت مندوں کا ایک گروپ مدھیہ پردیش میں اونکاریشور مہاکالیشور کے درشن کے بعد اجین سے منی بس سے ممبئی واپس آرہاتھا۔اس دوران چندواڑ کے نزدیک منی بس کا ٹائر پھٹ گیا اور وہ ریت سے لدے ٹرک سے ٹکراگئی۔حادثہ میں 10افراد ہلاک اور 13زخمی ہوگئے ۔منی بس میں سوار تمام افرادکا تعلق ممبئی سے ہے۔حادثے میں لاشوں اور زخمیوں کو ناسک کے سرکاری ہسپتال میں منتقل کرایا دیا گیا ہے۔