سیاسی وفاداریاں تبدیل کرنا اچھا شگون نہیں ،ْخواجہ محمد آصف

مجھے یقین ہے خلق خدا ووٹ کی حرمت اور عزت کی پاس داری کرے گی ،ْ میڈیا سے گفتگو

اتوار 10 جون 2018 18:10

سیالکوٹ (اُردو پوائنٹ اخبارتازہ ترین - این این آئی۔ 10 جون2018ء) مسلم لیگ ن کے رہنما خواجہ آصف نے کہا ہے کہ سیاسی وفاداریاں تبدیل کرنا ضمیر فروشی ہے جو ملک کیلئے اچھا شگون نہیں ہے۔میڈیا سے گفتگو کرتے ہوئے سابق وفاقی وزیر نے کہا کہ سیاسی وابستگی تبدیل کرنے کا تصویر بھی نہیں ہونا چاہئے، 25 جولائی کو خلق خدا کی عدالت نے فیصلہ دینا ہے،مجھے یقین ہے خلق خدا ووٹ کی حرمت اور عزت کی پاس داری کرے گی۔

(جاری ہے)

خواجہ آصف نے کہا کہ وہ انتخابی مہم کاباقاعدہ آغاز عید کے بعدکریں گے،انہوں نے لیگی کارکنوں کو نصیحت کرتے ہوئے کہا کہ وہ عوام کی امنگوں پر پورا اتریں اور عوام کے بنیادی اور قومی مسائل کو ایمان داری سے حل کریں۔انہوںنے کہاکہ سیاست دانوں کے باہمی اختلافات بھی ملک کیلئے نیک شگون نہیں ،ْان اختلافات کے باعث قومی مسائل پسِ پشت چلے گئے ہیں، میں نے کبھی کسی کی ذاتی زندگی پر حملہ نہیں کیا،میری سیاسی تربیت میں ذاتی زندگی پر گفتگو کرنا شامل نہیں،خواجہ آصف نے اس امید کا اظہار کیا کہ انتخابات میں نوازشریف کے امیدوار کام یاب ہوں گے۔