یورپی یونین کی روس پر عائد پابندی میں 6ماہ کی توسیع

پابندی میں اضافہ کا فیصلہ روس کی یوکرائن میں فوجی مداخلت پر ہٹ دھرمی کے تناظر میں کیا،یورپی یونین

ہفتہ 23 جون 2018 18:40

برسلز(اُردو پوائنٹ اخبارتازہ ترین - آن لائن۔ 23 جون2018ء) یورپی یونین نے روس پر عائد پابندی میں 6ماہ کی توسیع کر دی ہے،یورپی یونین نے پابندی میں اضافہ کا فیصلہ روس کی یوکرائن میں فوجی مداخلت پر ہٹ دھرمی کے تناظر میں کیا۔

(جاری ہے)

غیر ملکی میڈیا کے مطابق یورپی یونین حکام اور سفارتکاروں کے مطابق یورپی بلاک کی جانب سے روس کیخلاف عائد اقتصادی پابندیوں میں جنوری سن 2019 تک توسیع کر دی جائیگی۔

یہ پابندی یورپی یونین نے روس کی یوکرائن میں فوجی مداخلت کے تناظر میں عائد کر رکھی ہے۔ روس کے اقتصادی، دفاعی اور توانائی کے شعبوں پر عائد ان پابندیوں میں اس ملک کی جانب سے سن 2014 میں کریمیا پر قبضے کے بعد سے ہر 6ماہ پر توسیع کی جا رہی ہے۔اس بحران کیوجہ سے روس اور یورپی یونین کے تعلقات بھی متاثر ہوئے ہیں۔۔