بقایا جات کی عدم ادائیگی پر ایران نے عراق کو بجلی کی فراہمی بند کردی

ہزار میگا واٹ بجلی بندش سے عراق کے میسان، زیکار اور بصرہ صوبوں میں لوڈ شیڈنگ کے اوقات میں مزید اضافہ

اتوار 8 جولائی 2018 13:20

بقایا جات کی عدم ادائیگی پر ایران نے عراق کو بجلی کی فراہمی بند کردی

بغداد/تہران(اُردو پوائنٹ اخبارتازہ ترین - این این آئی۔ 08 جولائی2018ء) ایران نے واجبات کی عدم ادائیگی پر عراق کو بجلی کی ترسیل منقطع کردی ، جس کے بعد عراق کیکئی شہر اور علاقوں میں بجلی کا بحران شدت اختیار کرگیاہے۔

(جاری ہے)

غیرملکی خبررساں ادارے کے مطابق عراقی وزارت بجلی کے ترجمان مصعب المدیرس نے کہاکہ عراق حکومت کی جانب سے عدم ادائیگیوں پر ایران نے عراق کو دی جانے والی ایک ہزار میگا واٹ بجلی کی فراہمی بند کردی جس سے میسان، زیکار اور بصرہ صوبوں میں لوڈ شیڈنگ کے اوقات میں مزید اضافہ کرنا پڑگیا ہے۔

دریں اثناء مختلف سیاسی جماعتوں نے عراقی حکومت پر الزام عائد کیا کہ ملک میں بجلی پیدا کرنے کی صلاحیت کے باوجود دوسرے ممالک سے درآمد کی جارہی ہے۔یاد رہے کہ عراق کے جنوبی اور جنوب مشرقی علاقے شدید گرمی کے لپیٹ میں ہیں جہاں پر درجہ حرارت 50سینٹی گریڈ سے تجاوز کرگیا ہے۔