جنوبی افریقہ کے سپنر تبریز شمسی کی سری لنکا کیخلاف دوسرے ٹیسٹ میں شرکت مشکوک

منگل 17 جولائی 2018 18:10

کولمبو(اُردو پوائنٹ اخبارتازہ ترین - آئی این پی۔ 17 جولائی2018ء) جنوبی افریقن سپنر تبریز شمسی گھریلو وجوہات کی بنا پر سری لنکا سے واپس وطن لوٹ گئے جس کی وجہ سے ان کی آئی لینڈرز کے خلاف شیڈول دوسرے کرکٹ ٹیسٹ میچ میں شرکت غیریقینی صورتحال کا شکار ہو گئی ہے۔

(جاری ہے)

جنوبی افریقہ اور سری لنکا کے درمیان دوسرا اور آخری ٹیسٹ 20 جولائی سے شروع ہو گا، میزبان سری لنکا کو سیریز میں 1-0 کی برتری حاصل ہے، آئی لینڈرز نے پروٹیز کو پہلے ٹیسٹ میں 278 رنز کے واضح مارجن سے شکست دی تھی۔

جنوبی افریقن ٹیم مینجمنٹ کی طرف سے جاری کردہ بیان کے مطابق شمسی گھریلو وجوہات کی بنا پر واپس وطن لوٹ گئے ہیں، ان کی واپسی کے حوالے سے ابھی کلیئر نہیں اسلئے ان کی سری لنکا کے خلاف شیڈول دوسرے ٹیسٹ میں شرکت کے بارے کچھ نہیں کہا جا سکتا، اگر وہ دستیاب نہ ہوئے تو ان کی جگہ ان کی پڈ لیگ سپنر شان وون برگ کو ڈیبیو دیا جا سکتا ہے۔