حلقہ این اے 113 ٹوبہ ٹیک سنگھ III سے پی ٹی آئی کے محمد ریاض خان ایک لاکھ 28 ہزار 274 ووٹ لے کر کامیاب قرار‘ غیر سرکاری غیر حتمی نتائج

جمعہ 27 جولائی 2018 02:40

اسلام آباد ۔ (اُردو پوائنٹ اخبارتازہ ترین - اے پی پی۔ 27 جولائی2018ء) قومی اسمبلی کے حلقہ این اے 113 ٹوبہ ٹیک سنگھ III سے پاکستان تحریک انصاف کے امیدوار محمد ریاض خان ایک لاکھ 28 ہزار 274 ووٹ لے کر کامیاب قرار پائے۔

(جاری ہے)

الیکشن کمیشن کے غیر سرکاری غیر حتمی نتائج کے مطابق پاکستان مسلم لیگ (ن) کے چوہدری اسد الرحمن ایک لاکھ 6 ہزار 18 ووٹ لے کر دوسرے جبکہ تحریک لبیک پاکستان کے احمد شہزاد 8 ہزار 74 ووٹ لے کر تیسرے نمبر پر رہے۔ ڈالے گئے ووٹوں کی شرح 59.90 فیصد رہی۔