فیصل آباد مکمل طور پر پولیو فری ہو گیا ،

ویسٹ واٹر سے بھی پولیو وائرس کے کوئی شواہد نہ مل سکے

پیر 6 اگست 2018 16:46

فیصل آباد۔6 اگست(اُردو پوائنٹ اخبارتازہ ترین - اے پی پی۔ 06 اگست2018ء) فیصل آباد مکمل طور پر پولیو فری ہو گیا ہے جبکہ ویسٹ واٹر سے بھی پولیو وائرس کے کوئی شواہد نہ مل سکے ہیں تاہم انسداد پولیو مہم کے باربار انعقاد کا مقصد پولیو وائرس کے خدشات کا یکسر خاتمہ کرنا ہے کیونکہ دیگر کسی علاقے سے یہ وائرس اس ضلع میں ویسٹ واٹر کے ذریعے بھی آسکتا ہے۔

(جاری ہے)

ضلعی محکمہ صحت کے ترجمان نے بتایا کہ ورلڈ ہیلتھ آرگنائزیشن کی گائیڈ لائنز کے مطابق اس بار انسداد پولیو مہم پر تحصیل سٹی اور صدر میں عملدرآمد کیا جارہا ہے جس کا مقصد ویسٹ واٹر میں پولیو کے وائرس کے خدشات پر قابو پانا ہے۔ انہوں نے بتایا کہ لاہور میں ویسٹ واٹر سے پولیو وائرس ملنے کی وجہ سے فیصل آباد میں بھی یہ خدشہ ہوسکتا ہے کہ یہاں بھی ویسٹ واٹر میں وائرس منتقل نہ ہو جائے جس کے سدباب کیلئے احتیاطی طور پر انسداد پولیو مہم پر دو تحصیلوں میں عملدرآمد کیاجارہا ہے۔