قطری عازمین حج کوخوش آمدید کہیں گے: سعودی عرب

عمر جمشید بدھ 8 اگست 2018 17:23

جدہ (اُردو پوائنٹ اخبارتازہ ترین۔ 08 اگست2018ء) سعودی حکومت نے اعلان کیا ہے کہ اس سال حج کے لئے آنے والے قطری شہریوں کو خوش آمدید کہا جائے گا. سعودی عرب کی وزارت حج نے کہا ہے کہ قطری حکام کی جانب سے قطری عازمین کے حج سے متعلق الیکڑونک ڈیٹا کو بلاک کرنے کے باوجود ایسے افراد کو ہر ممکن سہولت دی جائے گی۔

(جاری ہے)

ایسے قطری شہریوں کے بارے میں سعودی قیادت نے احکامات جاری کئے ہیں کہ انہیں سعودی عرب آنے دیا جائے اور جدہ میں شاہ عبدالعزیز بین الاقوامی ہوائی اڈے پر آمد پر یہ افراد اپنے ڈیٹا کی رجسٹریشن کا عمل پورا کرسکتے ہیں. سعودی پریس ایجنسی کے مطابق قطری عازمین قطر ایئر ویز کے علاوہ کسی بھی ائیر لائن کو استعمال کرتے ہوئے سعودی عرب آ سکتے ہیں، جبکہ سعودی عرب میں مقیم قطری شہری وزارت حج میں قطری شہریوں کے لئے مختص لنک کے ذریعے حج ادائیگی کی درخواستیں جمع کراسکتے ہیں. (وام)

Facebook Twitter Google + Share on Whatsapp

قطری عازمین حج کوخوش آمدید کہیں گے: سعودی عرب

متعلقہ عنوان :

مزید بین الاقوامی خبریں