انڈونیشیا کے جزیرے لومبوک میں 5.9 شدت کا آفٹرشاک

جمعرات 9 اگست 2018 16:50

جکارتہ ۔ (اُردو پوائنٹ اخبارتازہ ترین - اے پی پی۔ 09 اگست2018ء) انڈونیشیا کے جزیرے لومبوک کو جمعرات کی دوپہر 5.9 شدت کے آفٹرشاک نے ہلا کر رکھ دیا، 4 روز قبل اس جزیرے میں 7 درجے شدت کا زلزلہ آیا تھا جس کے نتیجہ میں اموات اب تک 164 ہو چکی ہیں اس زلزلہ کے بعد اس جزیرے پر اب تک 367 آفٹر شالس محسوس کئے جا چکے ہیں جس سے لوگوں میں خوف و ہراس پایا جاتا ہے۔

(جاری ہے)

انڈونیشیا کی زلزلہ پیما ایجنسی کے عہدیدار روڈی تیگھو نے کہا ہے کہ جمعرات کو آنے والے آفٹر شاک کی شدت ابتدائی طور پر 6.2 تھی تاہم نظر ثانی پر یہ شدت 5.9 ثابت ہوئی۔انہوں نے کہا کہ آفٹر شاک مقامی وقت کے مطابق جمعرات کیدوپہر 12:25 پر آیا، زلزے کا مرکز لومبوک ضلع کے شمال مغرب میں6کلومیٹر کے فاصلے پر زیر زمین 12 کلومیٹر کی گہرائی میں تھا۔انہوں نے کہا کہ زلزلے سے سونامی کی لہریں پیدا نہیں ہوئیں جس کی وجہ سے سونامی کی وارننگ جاری نہیں کی گئی۔

Facebook Twitter Google + Share on Whatsapp

انڈونیشیا کے جزیرے لومبوک میں 5.9 شدت کا آفٹرشاک

متعلقہ عنوان :

مزید بین الاقوامی خبریں