جائیداد میں خواتین کے مساوی حصے کا مجوزہ بل پارلیمنٹ میں جلد لائیں گے، تیونسی صدر

منگل 14 اگست 2018 11:22

تیونسیا ۔ (اُردو پوائنٹ اخبارتازہ ترین - اے پی پی۔ 14 اگست2018ء) تیونس کے صدر محمد الباجی القائد السبیسی نے کہا ہے کہ پارلیمنٹ میں خواتین کے لیے مساوی جائیداد کی مجوزہ دستوری قرارداد جلد پیش کر دی جائے گی۔جرمن نشریاتی ادارے کے مطابق انہوں نے یہ بات ملکی قومی دن برائے خواتین کے موقع پر کہی۔

(جاری ہے)

انہوں نے امید ظاہر کی کہ یہ آئینی مسودہ رواں برس اکتوبر میں پارلیمانی سیشن کے آغاز پر بحث کے لیے پیش کیا جا سکتا ہے۔ یہ امر اہم ہے کہ تیونس میں اس وقت خواتین کے لیے جائیداد میں حصے کا وہی قانون رائج ہے، جو بقیہ مسلمان ملکوں میں عائد ہے۔ تیونس نے 1956 میں فرانس سے آزادی کے بعد نسائی حقوق میں بہت زیادہ پیش رفت کی ہے۔