گلگت،تعلیمی ایمرجنسی کے ذریعے دیامرمیں تعلیمی انقلاب آئیگا ،بابرحیات تارڑ

جمعرات 16 اگست 2018 13:09

گلگت۔ (اُردو پوائنٹ اخبارتازہ ترین - اے پی پی۔ 16 اگست2018ء) چیف سیکریٹری گلگت بلتستان بابر حیات تارڑ نے چلاس میں میڈیا سے خصوصی بات چیت کرتے ہوئے کہا کہ دیامر میں تعلیمی ایمرجنسی نافذکرکے 70فیصد تعلیمی ادارے دیامر میں بنانے کا فیصلہ کیا ہے،تعلیمی ایمرجنسی کے ذریعے دیامر میں تعلیمی انقلاب آئیگا اور پہلے سے موجود سکولوں کو تمام تر سہولیات سے مزئین کریں گے، ترقی یافتہ ممالک اور قوموں کا مقابلہ کرنے کیلئے لڑکیوں کی تعلیم کا فروغ بہت ضروری ہے،جس کیلئے حکومت گلگت بلتستان نے اپنی تمام تر توجہ اس جانب مرکوز کر رکھی ہے۔

انہوں نے کہا کہ دیامر کے اندر تعلیم کی راہ میں رکاوٹیں برداشت نہیں کریں گے اور عوام کو ان کے بنیادی حقوق دیںگے ،کسی کو یہ اجازت نہیں کہ وہ پرامن شہریوں کے حقوق کوسلب کرے ۔

(جاری ہے)

انہوں نے کہا کہ دیامر میں تعلیمی ایمرجنسی کے چار اہداف ہیں ، پہلا ہدف یہ ہے کہ حکومت اٴْن بچوں اور بچیوں کی رجسٹریشن کرے گی جن کی عمریں سکول جانے کے قابل ہوں ،دوسرا ہدف یہ ہے کہ سکول چھوڑنے والے بچوں کو دوبارہ سکول میں داخل کروائیں گے اور ان کو بہتر تعلیم دی جائیگی ،اسطرح حکومت دیامر کے اندر زیادہ سے زیادہ جدید تعلیمی سہولیات اور ضروریات فراہم کرکے قوم کے معماروں کا مستقبل سنوارے گی، حکومت انہی اہداف کے حصول میں اپنی تمام تر توانائیاں صرف کرے گی ۔

Facebook Twitter Google + Share on Whatsapp

گلگت،تعلیمی ایمرجنسی کے ذریعے دیامرمیں تعلیمی انقلاب آئیگا ،بابرحیات تارڑ

متعلقہ عنوان :

مزید قومی خبریں